وكالعاده جريدة شمس مصر تسلط الضوء على جميع المواهب التي تستحق الظهور وتسعى لتحقق أحلامها
معانا اليوم نموذج مشرف في مجال المسرح مؤلف ومخرج وقام بعمل العديد من المسرحيات ومازال مستمر في تحقيق انجازاته ونجاحاته شخص أبهر الجميع بنجاحها الملحوظ اثبات ذاته في المجال المسرحي
وهو المؤلف والمخرج محمود جمعة شهرته ( مانو )
أهلا بيك يا أستاذ محمود في جريدة شمس مصر قبل أي حاجه انا وكل فريق شمس مبسوطين من الحوار معاك
في البداية حابين نتعرف بيك
اسمي محمود جمعة شهرتي ( مانو )
٢٧ عام
من محافظة اسكندرية
مؤلف ومخرج مسرحي عملت 13 مسرحيه
وتم عرضهم على مسرح عبد المنعم جابر وكانت في مسرحيه شارك فيها ممثلين معروفين زي الممثل احسان التركي والفنان فتحي سعد
طب كلمنا أكتر عن هوايه التأليف بم انك اللفت 10 مسرحيات و أخرجت 13 عرض مسرحي
بالنسبه لموضوع التأليف هو كان هوايتي قبل ما أكون مخرج وبحب تأليف أكتر والإخراج كمان بس تأليف أكتر وعلى مدار المسرحيات اللي عملتها كلها ما سبتش موضوع غير وتكلمت عنه في نص ووصلت رساله من خلال العرض
و حاليًا بحضر نص جديد لي علاقه بالمرأه المصرية في مسرحيه اسمها
( حاره الستات)
هيشارك فيها ممثلة معروفه
طيب ممكن تكلمني أكتر عن مسرحيه ( حاره الستات) بم إن ده العرض اللي شغال عليه دلوقتي
مسرحيه ( حاره الستات) بتتكلم عن قصه حوالي ثلاث أو أربع ستات كل واحده فيهم ليها قصه بأختلاف الشخصيات بكل حاجه فيهم بأختلاف المؤاهل واختلاف المعيشه وكل حاجه
طب كلمني عن أهم المسرحياتك
أهم مسرحياتي إبن العمده دي مسرحيه ليها جزئين جزء أتعرض في رمضان اللي فات وجزء أتعرض رمضان ده وهيكون في جزء تالت في رمضان القادم إن شاء الله هيكون الجزء الاخير ودي من أنجح المسرحيات بتاعتنا وفي مسرحيه تانيه إسمها
(جلسه مع ابليس) كانت لذيذه
و أيضًا مسرحيه (جوازه في حي شعبي)
من أهم المسرحيات ليا و مسرحيه ( الحكاية فيها ميديا )
و من أنجح المسرحيات لينا
مسرحيه أخرى إسمها
( آخر كارت في الكوتشينه )
و أيضًا مسرحيه ( غرفه 606)
كانت بطوله الفنان إحسان التركي ومن ضمن المسرحيات مسرحيه
( سلام يا صاحبي)
تم إستضافتك في عده برامج في التلفزيون كلمني عن القنوات والبرامج اللي كنت موجود فيهم
طلعت في برنامج (خطوات شابه) على قناه اسكندرية
وايضًا في كذا برنامج على قناه اسكندرية
وطلعت على قناه صوت العرب
في برنامج إسمه (سهر ونجوم )
وبرنامج (كلام جريء)
مع الإعلامي محمد سعد على
قناه صوت العرب
وطلعت على قناه الصحه والجمال
في برنامج ( سر السعاده مع غاده)
طيب ممكن توجهه رساله للشباب اللي حابه مجال المسرح تبدأ إزاي قولهم نصيحه من خلال الجريدة
هقولهم أن مجال المسرح مش سهل ومرهق بجد ولو في حد داخل من باب الترفيه أو التسليه ف ميدخلش لو شخص مش قد أنه هو يكون مسؤول أنه يكون ليدر تيم ومسؤول عن كاست عمل وعارف يعني اي مسرح عارف يعني اي أدب وقوانين مسرح وعارف مبادئ وأساسيات المسرح مش فاهم ومحتاج يفهم المفروض يروح مكان متخصص يتعلم في
ويفهم منه و بعيدًا
عن التعليم أو هو حد فاهم أو مش فاهم القصه رقم واحد لو هو مش شخص قد المسؤوليه بلاش ياخد التجربه عشان خاطر ما يظلمش ناس معاه بالنسبه ل كاست العمل والممثلين والناس اللي بيبقى عندها مواهب التمثيل و حابه تطلع يسيب ليهم فرصه وبالنسبه للمسرح في روح حلوه روح جميله وبيعالج حاجات كتير وبيخلي الدنيا لذيذه
شايف فعلا أن العروض المسرحية فعلا بتوصل رساله
أيوة طبعًا أكيد العرض المسرحي أكيد بيوصل رساله بشكل كبير جدًا
في نهايه جريدة شمس مصر تتمنى ليك التوفيق والنجاح في الجاي وفريق شمس مصر مبسوط إستضافتك معانا
