مساء الخير والسعادة عليكم متابعين في كل مكان معنا النهاردة الكاتب ريان ياسر اهلا بحضرتك يا استاذ ريان انا سعيدة بوجودك معنا.
اهلا بحضرتك يااستاذة دنيا انا اسعد
ممكن تعرفنا بنفسك أكتر!
انا اسمي/ريان ياسر عمر
عندي/21سنه
عندي موهبة/الرسم والكتابة
من/مركز بدر
محافظة/البحيره
مؤهلي الدراسي/طالب في كلية التربية
كيف اكتشفت موهبتيك؟ اول مرة رسمت كنت في رابعة ابتدائي وكان رسم كلو انمي وكرتون وبعدها طورت من نفسي وكده وحبيت الرسم بالرصاص والفحم وبالنسبة للكتابة بدأت بتأليف قصص قصيرة وكتابتها واعجبت زملائي في الفصل
كيف قمت بتطويرها؟ اشتغلت علي نفسي في المجالين بدون مساعدة حد وده كان في الخفاء عشان النبي ﷺ قال «استعينوا علي قضاء حوائجكم بالكتمان»
ماهي اهم اعمالك؟ ليا رسومات كتير بس كلها رسم هواية وكده وبكتب رواية رومانسية هتخلص قريب
ماهو آخر عمل عملته؟ هي مفاجأة لعشاق الروايات الرومانسية
مين بيشجعك؟اول حد شجعني كان اخويا الكبير وبعدها لقيت دعم من كل اللي حواليا الحمد لله واولهم اهلي طبعا واصحابي
ماهي الصعوبات اللي واجهتك؟كان في ناس كتير بتحقد ومش حابينلي الخير وكانو اقرب ناس حواليا
كيف تغلبت علي الصعوبات؟
حطيت هدف قدامي ومسمعتش لحد وآمنت بقدراتي وده كان دافع كبير ليا بجانب الناس اللي حواليا اللي بيدعموني واهلي واصحابي كلهم ليهم فضل عليا
ماهي طموحاتي في المستقبل؟
بإذن الله عايز رسوماتي توصل لمصر كلها ويتفرجو عليها ويقرأو رواياتي ويارب تعجبهم.
قم بتوجيه رسالة للشباب المبتدئة؟
رسالتي للشباب مش عايزك تخلي حلمك مجرد فكرة في دماغك لأ طلع الفكرة دي علي ارض الواقع واشتغل عليها لحد ما توصل للي انت عايزه وتحقق كل اللي بتحلم بيه وخلي عندك ايمان بربنا وامشي في طريق ربنا وربنا عمرة ما هيخذلك ابدا والله.
