كالمعتاد دائمًا جريدة شمس مصر تُسلط الضوء على جميع المواهب الشابة التي تستحق أن تظهر للعالم معنا اليوم موهبة تسعى لتحقيق أحلامها
- أهلًا بيك أستاذ عبدالله في جريده شمس مصر الاخبارية قبل اي حاجه انا وكل فريق شمس مصر مبسوطين من الحوار مع حضرتك
" أهلًا بحضرتك يا استاذة هند انا مبسوط اكتر والله ".
- في البدايه حابين نتعرف بيك
" أنا اسمي عبدالله صدقي
من محافظة البحيرة
بس تقريبًا معظم وقتي في اسكندريه
درست في كلية سياحة وفنادق
و درست في أكاديمية علوم طيران
بحب المجال الطيران جدا عشان كدا حبيت اكمل في وادخل أكاديمية واطور من نفسي اكتر ".
- حابين نعرف بدايه عبدالله كانت ازاي انا عرفت إنك غنيت في حفلات ؟
" أيوا غنيت في حفلة في مركز القوات المسلحة وغنيت في مكتبة اسكندريه وغنيت في مسرح ابداع مع الأستاذه مروه عبدالمنعم
وشاركت في كورال السيوف بقيادة المايسترو هيثم شعبان أكتر من مره في مسرح إبداع
وغنيت في حفلة في قاعة كلية الطب اللي كانت بتنظمها مؤسسة سيادة القانون بقيادة المستشار عمار محمود ودي كانت أخر حفله ".
- طيب حابب توجهه رساله للناس اللي كانت بتشجعك من خلال الجريده ؟
" بالنسبه للدراسه اكتر حد وقف جنبي ولدي وولدتي
بعدهم من صحابي هند نجيب شاكر تقريبًا اكتر حد كان بيساعدني ".
" لكن لو هنتكلم عن الحفلات وإن أطلع وأطور من نفسي كدا فا اولًا كابتن امجد رئيس رعاية الطلاب وبعده المايسترو هيثم شعبان وأصحابي بشكل عام ".
- طيب حابب تقول اي للشباب اللي عندها موهبه في اي مجال اي النصيحه اللي تقدمها ليهم ؟
" يشتغل علي نفسه أكتر ويحاول يقدم نفسه بشكل مختلف ويكون مقتنع إن هو هيوصل وميسمعش لـِ أي كلام مُحبط نهائي
وأهم حاجه التطوير ".
- اي هي طموحك ؟
" السؤال ده بالنسبالي في كمية تغيراات كتييير اوي
لإن أكتر سؤال اتسألته
أول حاجه أنا كان نفسي أكون لاعب كوره ووصلت لمراحل كويسه جدًا بس للاسف محصلش نصيب فَـ اخترت إن اكمل تعليمي و أوصل لـِ أعلى الدرجات أو ع الأقل اتعلم صح علشان يكون ليا دور في المجتمع والحمد لله توفقت وربنا كرمني وأتخرجت بتقدير وإن شاء الله طموحي الفتره اللي جايه إني أغير منظومة التفكير بالنسبه للشباب في مجال دراستهم أو اختيارتهم بشكل عام
وعلى المستوى الشخصي فَـ إني اعمل ماجستير في علوم الطيران وأشتغل بيها وأخدم بلدي وكل اللي يحتاجني ".
- في نهاية حوارنا الصحفي بنشكر الفنان عبدالله صدقي وبنتمناله كل النجاح والتوفيق فيما هو قادم
