مع بداية العلاقات العاطفية.. بيحصل شيء اسمه (انبهار البدايات)، بمعنى… إن الشخص المحب بيشوف في الشخص المتعلق بيه مميزات مبهرة.. وبيحس إن السعادة مرتبطة بالشخص ده.
في الوقت ده مراكز النقد في المخ.. بتقفل عند الشخص المحب... ومش بيشوف في المحبوب إلا كل حاجة جميلة، ويفرز عند المحب هرمون الـ Dopamine
بطريقة كبيرة.. فبيحس بالسعادة بشكل كبير.. كأن السعادة ارتبطت بس بوجود المحبوب فببتدي المحب يرفع سقف توقعاته أكتر وأكتر للعلاقة..
وده من أكثر الأمور خطأً... إنك تبني سعادتك على شخص تاني.. وتحس إنه هو أملك وسعادتك ودنيتك.
----------
اقرأ أيضًا:|شمس مصر|.. الرعاية الذاتية للوالدين
----------
لما العلاقة بيحصل فيها استقرار والمشاعر واللذة بتبتدي تهدى بيبتدي الألم والتساؤلات هي فين الأحلام اللي كانت مبنية والشعور بالسعادة ؟!..
ليه مفيش الشعور إللي زي الأول ؟!
الصورة اللي كانت مرسومة في الخيال.. إن الحياة مع الشخص المحبوب بس حب في حب..
بس الواقع غير كده.. والكمال لله وحده..
----------
اقرأ أيضًا:|شمس مصر|.. كلمتين في صحتك
----------
عمر المشاعر ما تكون كفاية ..
وده اللي اسمه انبهار البدايات ..
لما تختار.. اوزن عقلك مع قلبك ..
لأن قلبك لوحده هيخذلك ..
