قليل لما نلاقي شخص موهوب و ناجح و بيحب يساعد غيره و يشوف الناس مبسوطة و يساعد في انتشار الخير. في مجتمعنا الحالي قليل لما تلاقي النموذج دا من البشر في ظل السعي وراء الشهره .
ندى عصام الشافعي بلوجر و انفلونسر و مذيعة راديو و تليفزيون و بتساعد في فرحة كميه كبيره من البنات بعمل ٣ مبادرات للخير . هي المقال تقرير مع البلوجر المشهورة مبادرة دولابنا واحد و مبادرة فرحة عروستي و مبادرة to be a blogger هنعرف في المقال دا سر نجاحها و خطط المبادرات و منين جت ليها الفكرة
بدأت الصحفية ندى ناصر بأجراء حوار خاص مع البلوجر و المذيعه ندى الشافعي
عرفتني بنفسها ""انا ندي الشافعي
-خريجه اداب اعلام عين شمس قسم اذاعه وتليفزيون .
-اشتغلت في العديد بره مجال الاعلام وبعدها اشتغلت معده برامج فراديو اونلاين وبعد كده voice over وعملت اعلانات فالتليفزيون بس كمعلقه صوتيه "
و جي سوال عن بداية مشوارها في الميديا و ازاي بقيت بلوجر و حد مشهور و ناجح
-قالت "عملت جروب علي الفيسبوك كنت ببيع عليه حاجات زي زي اي بنت يعني بس طريقه عرضي للحاجه عجبت السيلرز فبقوا يبعتولي عشان اعوض شغلهم ومن هنا بقيت بلوجر. بالصدقه الباحته وسعيت كتير جدا عشان اوصل وبرضو مش هقول اني وصلت لسه كتير اوي قدامي محققتوش"
و اجر الحوار عن المبادرات اللي بتقدمها للبنات لمساعدتهم و الفكره جتلها منين
-قالت " انها بتحب تساعد البنات و المبتدئين اللي مش عارفين يوصلوا ازاي و لا يبدوا منين …من هنا جتلها فكرة المبادرات "
كلمتنا عن التلات مبادرات
"اول. مبادره وهي مبادره دولابنا واحد …الاول انا كان عندي كذا فستان كنت كل مااجي اروح مناسبه اشتري واحد واقول ابقي اجره واستفيد وفعلا كنت بعمل كده "
ثم اكملت حديثها عن سبب فكرة اول مبادرة (دولابنا واحد)
"جتلي ولقتها بتعيط وبتقولي بصراحه انا مش معايا غير ١٠٠ جنيه بس…. طبعا قولتلها والا جنيه حتي وادتهولها بالبطاقه بس وقتها فكرت كده وقولت طيب وليه افكر في ٢٠٠ او ٣٠٠ جنيه لما ممكن اخد بيهم حسانات وده الاهم والاحسن قولت بنات كتير بيجي عليهم وقت يبقي عندهم مناسبه والدنيا مزنقه وممكن ميروحوش كمان بسبب كده
وابتديت انزل صور كل فساتيني بقي
واقول ان اي بنت محتاجه اي فستان منهم تخده وبدون اي مقابل خالص "
كلمتنا عن مبادرة الثانية (فرحة عروستي ) و اللي نجحت هيا كمان
"فكرت اني اساعد بنات كتير غير مقدره علي اسعار الميكب اب و لا الفستان و مزنوقه هي و عريسها و الدنيا غاليه … بدات بقا ابدأ في مبادرة التانيه ان اي بنت غير مقتدرة و زنقت معاها بسبب الاسعار و الغلاء تبعتلي ..الفستان و الميكب و المصور عليا بدون اي مقابل و المبادرة التانيه نجحت الحمدلله كمان "
المبادرة التالته و اللي تعتبر شغله معظم البنات الفتره دي و ان هي ازاي تكون حد ناجح و شخص مؤثر (ازاي تبقي بلوجر)
"تالت مبادره بقي بنات كتير كانوا بيبعتوا ندي عايزين تبقي بلوجر ندي ازاي ابقي مودل ندي انا نفسي ابقي زيك
قعدت افكر ليه لا مااانا اساعد البنات دي
كل ما براند يبعتلي كولكشن اصوره واعمل للبراند دعايا اخدهم يصوروا معايا ويلبسوا من الكولكشن
وصورهم تنزل علي اكونت البراند وبكده وششهم تتعرف واكونتاتهم تكبر وهم نفسهم يكبروا وحصل الحمد لله "
"اول مرة نزلت مع اكتر من ٣٥ بنت و اتصورنا و طلعوا اكسبلور و اكونتاتهم زادت "
ثم اكملت كلامها عن مسابقة قامت بتنظيمها و إدارتها
"عملت مسابقه للبنات اللي عندها مشكله في شعرها و حبه تحلها و كسب فيها ٢٠ بنت و عالجوا شعرهم بدون اي مقابل "
ثم جاء سوال عن نجاحها و تكريمها في مهرجان ( ميس ميكب )
-قالت ( ان سبب تكريمي الاول هو اني حد ناجح و مؤثر في المجتمع
التاني : كنت عضو لجنه تحكيم في المهرجان و تم تكريمي
ثم انتهي الحوار مع البلوجر المعروفه بمبادرة دولابنا واحد و تم انهاء الحوار علي اضافة كلمة و نصيحه للشباب
"اللي بيساعد الناس بيساعد نفسه اولا وان الوضع الصحيح ان احنا اللي نشكر اللي بنساعدهم عشان بيدونا الفرصه اننا ناخد حسنات بسببهم و ان المساعدة لا تنقص منك شي بل تزيدك "
