كل رجل له ذوقه الخاص به عند اختياره لشريكة حياته وأغلبيتنا بيعتقد إن بيئة كل رجل ومهنته بتأثر على اختياره لشريكة حياته
هل الاعتقاد ده صحيح ولا لا ؟ ده اللي هنعرفه من خلال المقال ده، وهو عبارة عن بعض الأسئلة وجهناها لبعض الرجالة من فئات عمرية مختلفة ووظائف مختلفة .
الردود كانت متشابهة إلى حد ما وكانت الأسئلة والإجابات كالتالي:-
١-بتفضل نوع المرأه العملية ولا ست البيت؟
-وكانت الإجابات إن أغلب الرجالة بيفضلوا ست البيت والباقي عايزها تكون بتشتغل بس طبعا الأولوية لبيتها.
٢- الست بالنسبالك إيه ولو هتلخص إحساسك في كلمة واحدة تعبر عنها هتكون إيه؟
-أما السؤال دا كان مفاجأة في رد الرجالة لأنهم لخصوا الست بالنسبالهم في كلمة واحدة وهى الأمان، ليه قولت عليها مفاجأة لأني اكتشفت إن مصدر الأمان بالنسبة للست محتاج منها الأمان، بمعنى إن مش بس الستات اللي الرجل بالنسبالها الأمان والطمأنينة، الراجل كمان محتاج الست في كل خطوة في حياته محتاج يحس إن في ضهر بيتسند عليه وحضن يلجأ ليه وقت ضعفه، ست ميخافش غدرها وقت مايقع تسنده وتكون بمية رجل وقت ما يحتاج إليها .
٣- إيه الغلطة اللي متقدرش تسامح عليها شريكتك حتى لو أنت بتحبها أوي ؟
-جاوب عليه ٩٠٪ من الرجالة إن الخيانة الحاجة الوحيدة اللي مش هيقدروا يسامحوا فيها .
٤-أما آخر سؤال كان عن أنواع الستات وده اللي هنتكلم عليه بالتفصيل وهنعرض عليكم أنواع من الستات صعبة في التعامل وهنقول للستات إزاي يقدروا يغيروا من نفسهم للأفضل سواء بمساعدة الرجل أو من غيره
اعداد كلاً من:- مي محمد/ سلمي تغيان/ ياسمين عطالله/ عبير عبداللطيف/ ندي غريب / اسراء الكيال
