رغم صِغر سنها ورغم تعرُضها لبعض الانتقادات إلا أنها قررت الاستمرار للوصول إلى حلمها معنا اليوم فتاة استطاعت أن تثبت للعالم بأنها قادرة على الوصول لحلمها.
في بداية الحوار نُرحب بكِ في جريدة شمس مصر الإخبارية
-عرفينا بنفسك
نور أحمد 20 سنة من الشرقية بدرس في كلية حقوق جامعة الزقازيق موهبتي الرسم
اقرأ أيضًا/|شمس مصر|.. تيسير فهمي ترد على الجمهور بشأن عودتها للفن
-متى بدأتي مشوارك في مجال الرسم؟
"برسم من وأنا صغيرة بس بدأت رسم باحترافية من سنة، دايمًا كنت بحاول أطور من نفسي بإني أجرب أساليب مختلفة وأخلق لنفسي أسلوبي المميز عن باقي الرسامين، كمان كنت برسم كتير وبجرب خامات مختلفة لحد ما وصلت للأسلوب اللي بحبه وشايفة نفسي فيه وأكتر حد دايمًا كان بيدعمني كانت ماما ومازالت بتدعمني هي وبابا طبعًا وصحابي".
استطتعتي تطوير ذاتك بذاتك أم لجأتي للكورسات وهل للكلية دور في ذلك؟
-"ما أخدتش كورسات خالص أنا طورت نفسي بنفسي مع الوقت عن طريق التمرين الكتير وتجربة أساليب مُختلفة وبردو التغذية البصرية كان ليها دور كبير أوي إني أشوف أعمال فنانيين كتير وڤيديوهات رسم كتير ده ساعدني كتير فـ بدايتي".
البعض يتعرض للانتقادات من بعض الأشخاص منهم من يستسلم ويترك حلمه ومنهم لا يهتم ويكمل طريقة حدث معك بعض الانتقادات أم لا وكيف تعاملتي معها؟
"أكيد بيقابلني انتقادات كتير بس مبتأثرش فيا لأن أنا حابة الحاجة اللي بعملها مش مهم تعجب اللي حواليا على قد ما مهم إن أنا أكون راضية عنها والحمد لله قدرت أحول الانتقادات دي لنجاح أفتخر بيه".
وصولك لهذه المرحلة جعلك سعيدة هل تعتقدي أن وصولك لهذه المرحلة هي المرحلة الأخيرة أم مازل لديكِ أحلامًا أُخرى؟
"مبسوطة بكل حاجة وصلتلها الفترة دي الحمد لله بس لسه عندي أفكار كتير أوي أنا لسه في البداية، لسه عندي كتير أوي أقدمه وأفكار كتير أوي".
هل لديكِ خطط جديدة للفترة القادمة وما هو هدفك في الفترة القادمة بعد وصولك لهذا النجاح.
" الفترة الجاية إن شاء ﷲ بتمنى أشارك في معارض كتير وأعمل لوح كتير مختلفة وأكون متميزة دايمًا".
اقرأ أيضًا/|شمس مصر|.. رامز جلال يكشف تفاصيل برنامجه الجديد
هل لديكِ مواهب أُخرى غير الرسم؟ وما هي؟
"عندي مواهب تانية زي الكتابة أنا بحب الكتابة جدًا ودي حاجة مش ناس كتير تعرفها كمان بحب شغل الهاند ميد جدًا، ده كان من حوالي خمس سنين وبفكر الفترة الجاية أرجعله تاني بجانب الرسم طبعًا؛ لأن الرسم هيفضل أقرب حاجة لقلبي".
ما هي الأدوات التي استخدمتيها في مجال الرسم من بداية مشوارك؟
" أول ما بدأت كُنت برسم بالرصاص بس بعد كده استخدمت حاجات كتير زي ألوان الخشب والشمع والفحم والإكريلك والجواش، كمان رسمت بالميك أب والشاي".
قبل انتهاء الحوار هل تود نور أن تترُك رسالة شُكر لـِ والديها؟
أجابت نور قائلة: "بشكر ماما وبابا إنهم دايمًا بيشجعوني، وبشكر صحابي وكُل حد بيتابعني وبيحب رسمي".
وتركت أيضًا رسالة للشباب الذين يمتلكون هواية الرسم قائلة: "أنا بس عاوزة أقول حاجة لكل حد بيرسم إن الشخص اللي بيرسم لازم يكون الدافع اللي جواه هو أنه يرسم وبس أي حد بيرسم علشان يشارك في معارض أو يأخذ جوايز وهكذا ويكون ده هو كل هدفه للأسف، هو بيطول الطريق على نفسه لأنه لو ركز بس على موهبته وازاي يطورها ويرسم؛ لأنه بجد حابب الهواية دي هيلاقي كل حاجة جت بمنتهى السهولة ومن أقل الفُرص؛ لأن ببساطة اهتمامه وشغفه ده هينعكس جدًا جدًا على أسلوبه أنه يكون فنان مُميز وصادق".
اقرأ أيضًا/|شمس مصر|.. 4 فنانين فقدوا أطفالهم في سن صغير
