دافعت الفنانة المصرية فريدة سيف النصر عن مسلسل "الضاحك الباكي"، كما صرحت عن دعمها لصناع عمل المسلسل، وذلك عن طريق كتابتها منشور عبر حسابها الشخصي على موقع التواصل الاجتماعي "فيسبوك" لتقول:"نجيب الريحاني.. لما الصحافة والمواقع تفتح عينك علي سؤال واحد إيه رأيك في الضاحك الباكي والهجوم عليه.. وأسئلة غريبة هرد واقول بالتفصيل.. اه بتفرج ده محمد فاضل يعني.. اللي اتشرفت بمسلسل الشارع الجديد معاه".
وتابعت "نصر" حديثها قائلة:"ثانيا..البطء والألوان والديكور والأداء..مش فاهمة المقصود؟ يا أساتذة الأداء في الأربعينات كده البساطة والهدوء كده ظروفهم المعيشية كده وصح جدا بل كنت اتمني يتصور أسود وابيض.ونلون بعدين..أنا شايفه لانه سيرة ذاتية يعني بينقل لك حياة كاملة حقيقية بلا فذلكة وتدخلات وابهارات بصرية واكشن ..في ايه ياجماعه كل عمل له جو خاص به، وهجوم ليه هو احنا لسه شوفنا ربع العمل حتي يا ساتر يارب.. تعالوا نحب الخير لبعض الموت مش بعيد عن أي حد كبير أو صغير بلاش كده.. نحكم قدام شويه".
اقرأ أيضًا/|شمس مصر|.. بعد نجاح برنامجها الجديد.. أنغام تستعد حفلها في الكويت
كما أضافت:" أعمال كتير بدأت قوية وحركات وابهار وخفتت وماتابعنهاش.. وأعمال بدأت بسيطة وشوية شوية شدت وعليت وفي أعمال حدث ولا حرج قمة هجومكم ينفع معاهم لكن لاه انتم مركزين هنا ماعرفش ليه؟ ياحبايبي مش كده والله يأولاد ويابنات خليكم منصفين وأصحاب أقلام شريفة... اصبروا ماتبقوش محضرين السكاكين كده..مفضوحة يعني الطريقة ليه كده..لا حول ولاقوة الا بالله"، واختتمت حديثها لتقول:" وعلي فكره عمر عبد الجليل.. فجأة بقي الريحاني وعلشان أنا اقتنع وأصدق كاممثلة.. فالازم اقول له برافو قلعت عمر وفرملته بمفرداته بره الاستديو وليست نجيب أو لبسك شابووووووو. واصبروا عالذبح سموا الأول ياجزارين الفن".
إقرأ أيضًا |شمس مصر|.. فريق "وأما"في ضيافة برنامج أنغام
اقرأ أيضًا/|شمس مصر|.. في اليوم الوطني للامارات... لطيفة تستعد لإحياء حفلها الغنائي
