الأم لو تعرفوا
رحمة من الرحمن
لو أمهاتنا اختفوا
تبقى الحياة أحزان
الأم من فضلها
كل الأمان والنور
من غيرها أو بعدها
المهلكات والبور
الأم زي السحاب
زي المطر والخير
معادش ليا صحاب
من غير جناح انا طير
كانت راحتي وسعادتي
سابتني من غير رجوع
حواليا فوقي وتحتي
حرمان عذاب على جوع
بردان وفين الدفا
ولا في حنان أو وفا
تعبان وكتتي الشفا
بعدك مفيش غير جفا
لا زلت بسمع صوتك
في ودني في قلبي في كياني
يا أمي من يوم موتك
ما غيبتي عني ثواني
الأم نعم السند
في الدنيا والأيام
من غيرها عاش الولد
في الحيرة والأوهام
والبنت تنسى الفرح
بعد اما كان أفراح
والقلب لو ينجرح
إزاي تطيبله جراح
الأم أصل الحياة
ماتت الحياة بعدها
هفضل اقول الآه
في كل يوم بعدها
انا أمي ماتت ف ماتت
معاها ذكرى السرور
من يومها عاشت وعاشت
أحزان آلام وقبور
دفنت فيها ب إيديا
يوم ما انتي روحتي يا غالية
فرحي وعزي وهنايا
الرحمة ليكي وليا
....
اقرأ أيضاً: غزة العزة فداكي الروح
اقرأ أيضاً: تفوقت ولكن أشتاق أبي
