لا تسألني من أنا
كلمة على طرف لساني
بحس بيها دايما
إن في حاجة وجعاني
حيرة وخوف من كلمة الظروف
رفض تام إني افتح تاني باب
سواء لحب أو أصحاب
ممكن خوف ليكونوا زي اللي فاتو
أو يفتحوا في الذكريات
لان كل شيء جميل ف البدايات
بس آه من النهايات
ضحك كتير ودموع أكتر
ضحك على طيبة وسذاجة
دموع على كسرة قتلاني
شك بدليل أنها النهاية
بس العند متأصل جوايا
وأفضل اقول مش مشكلة هتعدي
أكيد بسبب الظروف
وفرصة ورا التانية بتهدم كل أمل فيا
وبتزرع بدلها الخوف
كل علاقة تبرر فيها
أو فرصة تعدي بدون تأثير
كانت غلطة عمرك من غير تفكير
إنك تسمح لحد أناني أنه يدمر فيك كل جميل
أسمع كويس وافهم كلامي
الحب أكيد نعمه جميلة
بس الوجع كارثة كبيرة
اوعى تقول فرصة أخيرة
لأن الفرصة دي أكيد وجعك
ودموعك اللي هتفضل على خدك
مش لازم تخلي حد يأثر فيك
قوم وعدي وابدأ من جديد
لان حقيقي أنت أكبر خير لنفسك
وبإيدك أنت برضوا تفضل حزين
اقرأ أيضاً:|شمس مصر|.. سندي الذي لا يميل
اقرأ أيضاً:|شمس مصر|..مصاعب الحياة ومواجهتها
اقرأ أيضاً:|شمس مصر|..حب التملك وعلاجه
