تحدثت الفنانة رحمة أحمد بطلة الجزء الساديس من سلسلة "الكبير قوي" عن مقارنتها بالفنانة دنيا سمير غانم والتي جسدت شخصية "هدية" في الأجزاء السابقة، حيث كتبت رحمة أحمد عبر حسابها علىٰ موقع التواصل الاجتماعي" فيسبوك":"أنا مش عارفة اعبر ان احساسي بالامتنان، الحمدلله والشكر لله اي حاجة حلوة حصلت او اتقالتلي ده كرم كبير اوي من ربنا يمكن اكبر من اللي استحقه عاوزة اقول ٣ نقط".
اقرأ أيضًا/ |شمس مصر|.. تصريح غريب من علي الحجار
وتابعت: "الأولى وهفضل اقول البوقين دول كل ما حد يشاور النقطة دي ان فنانة زي دنيا سمير غانم لا تقارن بحد انا مش حد خالص انا من فانز دنيا سمير غانم لان لو اتحطينا في مقارنة من المؤكد اني انا اللي هبقى خسرانة"، وأضافت: "الثانية بعد توفيق ربنا ان فنان زي احمد مكي يدي مساحة لحد يقول حاجة مبتحصلش من اي فنان موجود عالساحة.. الراجل ده عنده اللي يكفيه وزيادة انه يسيب فنان قدامه يقول وهو سايب ايده، مهما اتكلمت عنه مش هوفيه حقه فنيا ولا انسانيا"، وقالت عن المخرج أحمد الجندي "المبدع احمد الجندي ميتخيرش عنه يسيبك تقول ويعليك ويركبلك شغل ..وذكي يعرف يطلع ضحك من اي شخصية ويحطها في مكانها الصح".
اقرأ أيضًا/|شمس مصر|.. حلمي بكر ينفي طلاق شيرين عبدالوهاب
وتابعت "الثالثة.. ليك انت يا حبيب قلبي..اخويا الكبير الداعم المستمر بكل الطرق...صادق في فرحته ..انا مهما حكيت عاللي عملته معايا عشان اوصل اني ابقا في عمل من أهم الأعمال في رمضان مش هكفي فيك كلام....شكرا أحمد أمين الاخ والفنان والإنسان انك دايما جنبي"، وأضافت "احمد امين، احمد مكي، احمد الجندي، انتو مكسب لاي فنان ولاي شخص وبشكر ربنا دايما ان ربنا كتبلي اني اعرفكو"
