ظهرت الفنانة ناهد السباعي خلال ندوة توقيع كتاب "10 نساء في واحدة"، والذي يتحدث عن جدتها الراحلة الفنانة هدى سلطان، وذلك من ضمن تكريمها بالدورة الحالية لمهرجان الأقصر للسينما الإفريقية، وقالت "ناهد" خلال حديثها: "جدتي ما اعتزلتش، هي عمرها ما كانت بتشوف إنها بتعمل حاجة مش مهمة، هي كانت مؤمنة جدًا باللي بتعمله، وإن فنها قوي ومهم، وإن الفن ده بيربي أجيال، وعمر ما كان الحجاب هيأثر على أدائها وفنها أو على تمثيلها، وده كان بيخليني ما أشوفش الحجاب وماحسش إن في حاجز ما بيني وما بينها زي ما أنا غصب عني بحسه مع ناس تانية".
اقرأ أيضًا/|شمس مصر|.. موسم دراما رمضان 2022
وأضافت: "في ناس كتير كانوا فاكرينها هتعتزل ووقتها ردت جدتي وقالت أنا هعتزل عن إيه أنا مش بعمل حاجة حرام اللي بيعتزلوا هما اللي بيعملوا حاجة حرام"، كما تابعت بقولها: "وتمثيلها الحقيقي نضج مع الحجاب وبقيت في حتة تانية خالص بالنسبة للجمهور والفنانين، وأنا بحب جدًا حبها للفن؛ لأن هي بتقدسه بجد وحبها واحترامها للفن مش مجرد إن أمثل أو أعمل دور، والناس اتعلمت حاجات كتير من أدوارها ومن سلوكها وهي دائمًا كانت تقول التمثيل أنك لا تمثل وتعيش الحالة بجد وحقيقي نفسي أبقى ربعها".
اقرأ أيضًا/|شمس مصر|.. الفراشة سامية جمال.. ما بين خطوبتها لبليغ حمدي وحبها للعندليب
واختتمت حديثها: "جدتي كانت منسجمة مع الحجاب، وقدرت تمثل به وتغني في الأوبرا وهي محجبة، بنحب تمثيلها بالحجاب جدًا؛ لأنها هي كانت مصدقة في اللي بتعمله، ومش شايفة إنها بتعمل حاجة ضد مبادئها وقناعتها وكنت بحب شكلها بالحجاب، وأحلى أدوارها كانت وهي محجبة".
اقرأ أيضًا/|شمس مصر|.. سبب انسحاب السوبرانوا أنا نتريبكو من عروضها المرتقبة
