نشر الفنان تامر حسني صورة له برفقة الفنانة هنا الزاهد أثناء تصويرهما فيلم "بحبك" على موقع التواصل الاجتماعي "إنستجرام"، "فيسبوك" ، وعلق على الصور قائلًا:"دي صور من أول يومين تصوير لفيلمنا الجديد (بحبك)، طبعاً في ناس هتقرا اسم الفيلم بحبِك وناس هتقراه بحبَك، دا طبعاً مقصود عشان في درامة الفيلم هنبحث طول الوقت عن مدى صدق كلمة بحبِك من الرجل للأنثى، وبحبَك من الأنثى للرجل في أحداث فعلاً محيرة جداً".
اقرأ أيضًا/|شمس مصر|.. أسباب صحية تعطل منه شلبي من تصوير مسلسلها الجديد
وأضاف:" الفيلم أكيد فيه ضحك بس في إطار رومانسي بحت مش موجود بقاله كتير، اتشرفت بمشاركة نجمة اليوم والمستقبل الجميلة هنا الزاهد، ومبسوط إني أول من اكتشفها في بداية حياتها وفي الفيلم دا بكتشفها تاني وبقدمها بشكل جديد عليها وعليكم، ومبسوط جداً لمشاركة حبيب قلبي نجم الكوميديا الكبير حمدي الميرغني اللي هيعمل إن شاء الله شغل رهيب في الفيلم كعادته الجميلة، وللأسف لسه مصورش علشان أنزل صورة بس في أول يوم تصوير له ههريه صور".
اقرأ أيضًا/|شمس مصر|.. في مثل هذا اليوم.. ذكرى ميلاد الفنان جمال إسماعيل
كما اختتم حديثه بقوله:"انتظروا بعد أيام انضمام نجمة جميلة مميزة من نجوم المستقبل اللي هيكون ليها مستقبل كبير إن شاء الله، وفرحان جداً بانضمام الفنان الموهوب أوي مدحت إسماعيل اللي عامل دور زي العسل وربنا يكتبله فيه كل النجاح ويكرمه ويكرمنا معاه، الفيلم من إنتاج حبايب قلبي وأصدقاء العمر سينرچي أحمد بدوي، تي إيتش برودكشن حسام حسني، سكاي ليميت أحمد الدسوقي"، وعلقت هنا الزهد ردًا عليه حيث كتبت:" أنا اللي مبسوطة جدا والله، شكرا على كل تفصيلة بتقولهالي وعلى تعبك ومجهودك كمخرج وممثل في نفس الوقت، وإن شاء الله ربنا يكرمنا ويرزقنا يارب"
كما تم اختيار تامر حسني ليكون سفيرًا عالميًا، لـ" إكستريم إي" لنشر الوعي وقضايا البيئة، وذلك من خلال سلسلة السباقات للسيارات الكهربائية والتي تستخدم الرياضة لأغراض إيجابية.
