تقارير وتحقيقات

|شمس مصر|.. شمس مصر في حوار خاص مع الكاتب عبد الرحمن سلامة

2022/02/05 11:41 PM | المشاهدات: 1085

ساره محمد

-في البداية أحب ارحب بحضرتك معانا في جريدة شمس مصر الإخبارية

•شكرًا جدًا

-في البداية ممكن تعرفنا بحضرتك؟

•أنا اسمي عبد الرحمٰن سلامة من محافظة الجيزة مدينة أوسيم

-أهلًا بحضرتك

-ممكن تعرفنا موهبة حضرتك اي؟

•أهلًا بيكِ

•موهبتي هي كتابة الخواطر وإلقاء الشعر

-امتى بدأت تكتب أو تلقي شعر؟

•بدأت إلقاء من حوالي سنة، كتابة خواطر من حوالي 3 شهور بس

-مين أفضل كاتب وأفضل شاعر بالنسبة لحضرتك؟

•أفضل كاتب بالنسبة ليا هو الراحل أحمد خالد توفيق أما الشعر فـ أنا بحب الشعر العامي فـ بحب اسمع عمرو حسن

-مين أكتر حد كان داعم ليك؟

•صديقتين ليا من على السوشيال ميديا

-أي أحب الأعمال لحضرتك؟

•أحببتُكِ دون أن أركِ

أحببتُكَ دون أن ألتقي بكِ

وبتُ أحكِ لَكِ عن الأشياء التي افعلها، في يومي.

وظللتُ انتظرُ المساء لكي أحكي لَكِ عن يومي

دون أن أُملَ مِن كل لحظة اقضيها معكِ

وابقى أتحدث معكِ طول الليل، وانتظر كُل مساء لكي أحكي لَكِ الأشياء التي تُفرحني والأشياء التي تبكيني وأنظر حينها إلى السماء وأراكِ علي هيئة قمر يُضئ لي حياتي في ظُلُمات الليل

وخاطرة مشتركة بيني وبين واحدة صديقتي

-في خلال الفترة اللي بدأت تكتب فيها اتعرضت لانتقادات؟ ولو اتعرضت قدرت تتخطاها ازاي؟

•لا محدش انتقدني خالص، بس قعدت فترة مكنتش عاوز اكتب تاني ولا القي شعر وكنت رافض المجال كله

-طب أي السبب اللي خلى حضرتك متكونش عاوز تكتب تاني؟

•كنت بحس دايمًا إني مفيش حد بيحبني ولا حتى متقبل أي شيء أنا بعمله حتى الآن بحس الإحساس ده بس قدرت اقنع نفسي إني بعمل أي شيء لنفسي مش لحد تاني

-تتمنى توصل لإيه في يوم من الأيام؟

•أكون كاتب كبير

-إن شاء الله تحقق اللي حضرتك بتتمناه

-شاركت في معرض القاهرة الدولي للكتاب قبل كده؟

•اه السنة دي شاركت بثلاثة كُتب مجمعة وهي: حظ الحياة، نهاية المطاف، أسرار القُلوب

-كلمة حابب توجهها للكُتاب والشعراء المبتدئين

•أحب أقول لأي حد خليك دايمًا واثق من نفسك وافضل كمل في موهبتك أو أي شئ بتعمله حتى لو ملقتش دعم من حد أفضل ادعم في نفسك دايمًا ومتيأسش أبدًا وافضل كمل لحلمك حتى لو لقيت صعوبات كتير ولازم تعدي كل الصعوبات اللي في حياتك علشان توصل لحلمك وخليك واثق دايمًا إن ربنا معاك ومش هيسيبك أبدًا

-كلمة حابب توجهها لجريدة شمس مصر الإخبارية

•أحب أشكر جريدة شمس مصر الإخبارية على مجهوداتها العظيمة ودعمها لكل المواهب

-أنا اللي حابة أشكر حضرتك واتمنى لحضرتك التوفيق والنجاح الدائم

•الشكر لله وحده، اللهم آمين وللجميع يارب

-آمين يارب