يُقال أن الإتقان والإيمان بالحلم والسعي ورائه، دون النظر إلى الصعوبات والظروف أو الضغوطات هو مفتاح النجاح، وهذا ما فعله الرسام أحمد الشديد فقد اعتمد على نفسه وطور من موهبته.
_حدثنا قليلًا عنك؟ وكيف اكتشفت موهبتك الفنية؟
•أحمد عبدالله علي
مواليد محافظة الشرقية مدينة أبو كبير، ٢٤ عام، وخريج جامعة الزقازيق
بداية ممارستي للفن كانت من سنة ٢٠١٧، بداية في الرسم مكنتش بحب الرسم كنت بحب اتفرج على الرسومات وإزاي دي اترسمت واستخدم إيه فقلت محاولش ليه وبدأت أرسم في الأول بالورقة والقلم وبسبب عدم وجود إمكانيات اتجهت للجرافيك لأنه كان موفرلي الألوان والفرش وغيرها وبدأت أن أنمي الرسم من خلال مشاهدتي لليوتيوب، وكان تعليمي كله على اليوتيوب ثم أخذت كورس جرافيك وكيفية استخدام الأدوات وبدأت أرسم واتعلم لحد الوقت ده ولسه بتعلم
إقرأ أيضًا/|شمس مصر|.. عز الأسطول يقدم أنشودة "آمون رع" في طريق الكباش
_متى رسمت أول لوحة؟
•مش فاكر بالظبط بس هي كانت أول ٢٠١٧
_كم يستغرق من الوقت لرسم لوحة رقمية؟
•على حسب تفاصيل الرسم ممكن ٤/ ٥ ساعات متواصلة
_ما الأدوات التي تقوم باستخدامها؟
أدوات برامج الجرافك اللي بستخدمها
_ما أكثر لوحة جذبتك لرسمها؟
لا مفيش كلهم عندي مهمين، هو أنا برسم أشخاص يعني الرسومات اللي موجودة دي كلها في منها ملامح لناس موجودة وفي ملامح من خيالي.
_ما الصعوبات التي واجهتك في البداية؟
•هو كتير بصراحة بس مش عايز أذكرهم
إقرأ أيضًا/|شمس مصر|.. وائل الفنشي ومحمد حماقي باحتفالية طريق الكباش
_ما هي نظرتك للمستقبل اتجاه موهبتك؟
•أنا بحاول أنميها لأني عندي مشروع، وبحاول أدمج الإتنين مع بعض
_هل اشتركت في مسابقات وحصلت على مراكز؟
•لا مشتكرتش قبل كدا بس حاليًا قدام مسابقة بس لسه مستني النتيجة
_كيف ترى الرسم الرقمي؟
•أنا شايف عادي هو فاقد لحاجات كتير بس دي الحاجة اللي وقعت قدامي وأنا مشيت فيها
_ لو لم يكن أحمد رسامًا، ماذا سيكون؟
•هو أنا مش شغلتي دلوقتي الرسم يعني تقريبًا الرسم ما بيوفرليش حاجة مجرد هواية
•بس لو مكنتش برسم كنت هفضل زي ما أنا شغال في الديزينات واللوجهات والسوشيال ميديا والحاجات دي.
إقرأ أيضًا/|شمس مصر|.. تعرض الإعلامية بسمة وهبة لوعكة صحية
_متى يأتيك إلهام الرسم؟ وما أحبّ الأوقات إليك للرّسم صباحاً أم مساءًا؟
•في الفترة الأخيرة بقيت بستلهم الرسم من نصوص الكتاب ومن الروايات وكتب
•في أي وقت مش شرط صباح أو مساء
_هل كان للبيئة من حولك دور في اكتشاف الفنان في داخلك ، سواء المدرسة أم العائلة ؟
•لا
_الأعمال تعكس وجهة نظر أصحابها، هل عبرت عنك أعمالك؟
•مش في كل الحالات بس بنسبة كبيرة أه
__من أكثر شخص تلقيت منه الدعم؟
•عيلتي
_ماذا تتمنى أن تحقق في المستقبل؟
•معرض رسومات
•ومشروعي يتحقق
_رسالة أخيرة لكل الموهوبين
•اسعى ورا موهبتك؛ لأن مفيش حاجه تستاهل تاخد من عمرك غيرها
