مهم أنك تحبي وتعيشي بسعادة و تطمني، تحسي بأمان أنه راحة، تمحي الخوف و القلق، الحب أساس للحياة والفرح؛ لكن لوحده مش كفاية، معاه شوية تكات بنتوه عنها ساعات بتعزز الحب وتقويه و تخلي حياتك من سعادتك.
تعرفي الراجل لما يحب بجد من حبه لأمه و بَره بيها، من حنيته علي أخته مش سيطرته الفارغة و تحكمه فيها،
من احترامه لأبوه، احترام الأهل و البَر بيهم من أول أساسيات الشريك الناجح، اللي تطمني علي نفسك وتآمني علي حياتك معاه.
اللي يعترف بحبك أدام العالم؛ مش ضعيف ولا عنده نقص، مش معني أنه قالك مش قادر أعيش من غيرك؛ يبقي أوڤر في تعبيره و تيجي عليه.
خليها تآمن بالحب الأسطوري و الخيالي؛ لما تقف ضد أي ظروف و تكمل في حبك ليها رغم الإعاقات هي هتآمن بوجودك دايماٌ..
خليكوا عارفين أن اللي بيجي سهل بيروح بالسهل، هتعرفوا أنكوا مختارين صح إزاي من غير اختبارات الحياة، و كل الخلافات اللي أسبابها تافهة ربنا قاصدها علشان يوريكوا بيها مدي حبكوا وتماسكوا ببعض.
الراجل الصح اللي يدفع حبيبته، صاحبته أو مراته أم عياله لأعلي مكانة حتي لو شأنها هيكون أعلي منه؛ خليك مصدر قوتها و دعمها، من أساسيات كيانها، خليك دافع يزود ثقتها في نفسها.
مش عيب لما تبني حياتك بوجود الراجل و الشخص الصح اللي عرفتيه و حبتيه، حسسيه بقيمته في حياتك، الاحتياج لجوزك أو حبيبك عمره ما هيقل من شخصيتك و كرامتك؛ بالعكس هتحسسيه أد ايه وجوده مهم في حياتك و أنه أساس أي خطوة هتخطيها.
الحب نعمة و شعور جميل، بلاش ندفن مشاعرنا بحكم العناد وكرامتي اللي متسمحليش، حافظوا علي نفسكوا وكرامتكوا و كل مقومات الشخصية الناجحة بس بلاش الاستقلالية اللي تلغي وجودكوا في حياة بعض.
