أنا مش بإيدي
أرجع بالزمان زمان
وأعيش الفرحه والأمان
يوم ماكنت لسه وليد
وبمشي على إيدي
وفين إيدي
تاخد بإيدي
تعديني الجليد
وترجع بيا
ليوم وليدي
ما أنا لسه فاكر
ولسه لحد إنهارده بذاكر
واعافر معاها
وفيا تعافر
وأنا زي ما أنا
ولسه مش قادر
إعيش ولا أغادر
ولا أرجع لدنيا زمان
وأستنى فيها ليوم عيدي
وأنا مش بإيدي
أسمع كل الكلام
وأمحي جوايه العلام
وأسمح له يمر بوريدي
مش بإيدي
أزرع فالدنيا السلام
وأنا جوايه غلام
ونفسي أعيش الأمان
ومش بإيدي
كل شئ حواليه كبير
حبه رمل
وسماها ضلمه جوه بير
وانا مش أمير
ولا لفاني الدنيا بالحرير
أنا حبه أمل
مشتاقه لضمير
وأنا ماشي
ويا اللي ماشي
شايف ولا ضرير
كله فالنهايه
هيتحاسب على الضمير
جمره نار
وقافل عليها إيدي
كنت بحلم
وصحيت من الحلم
لقيت نفسي
واقع على إيدي
وإيدي التانيه على إيدي
راحت تطبطب
عليها إيدي
وآقول للضلمه إيدي
ولو ضيْ من شمعه
أمسح عليها
فعنيه دمعه
وإطفيها تاني
ما أنا عمري كله
واللي حسيته
كان بس
يوم وليدي
كنت عايش فضلمه
بس دنيتها براح
وراح واياها اللي راح
واللي باقي منها
كدبه وعايشنها
وملفوفه على إيدي
ِهِي ولا مش هِي
فالنهايه
دنيا وعايشنها
ولو بايدك
أنا مش بإيدي
أعيش الدنيا من تاني
واكون فيها
كلمه مطويه
بين الشفايف
وضلمه جوايه وبعنيه
وأمشي الخطوه
مش شايف
وروحي متحاوطه بإيديا
مرعوب وخايف
وصمتي رابط على إيدي
و أنا مش بإيدي
أرجع بالزمان زمان
وأعيش الفرحه والأمان
يوم ماكنت لسه وليد
وبمشي على إيدي
وأنا مش بإيدي
إقرأ أيضًا/(شمس مصر).. كتاب وحبة سطور
إقرأ أيضًا/(شمس مصر).. عذراً يا فتاتي
إقرأ أيضًا/(شمس مصر).. عذراً سيدتي
