كتاب وحبه سطور

أنا كتاب مكتوب

وجواه حبه سطور 

سطر إتنين تلاته يادوب

والباقي ورق أبيض

حواليه الفراغ بيدور

مكتوب 

أول كلمه فيه 

رقة وحنان

وتاني كلمه بين إيديه

طيبه وأمان

ووردة بيضه متعطره 

وبأحلى عطور

مكتوب

ده لسه 

إحنا ف أول السطر

لسه مكملناش 

باقي السطور

مفيش سطور

دي أول 

صفحه بالكتاب

هو لي

 إحنا متعلمناش

نقلب الصفحه

ونشوف التانيه فيها إي

جايز تكون 

تكمله لنفس الكلام

نقلب الصفحه

ونقرآ الكلام

مكتوب

بهجه ومرح 

ضحك وفرح 

وحبه نقط

متحاوطه بعتاب

وبعض الدموع

حصره علي اللي فات

ودي أول كلمه

ف أول سطر

ف تاني صفحه

بالكتاب

وتاني سطر كان 

مكتوب 

وشكله إتمحى

خجلان

من كتر العيوب

نقلب الصفحه

ونشوف إي مكتوب

ضحكه فيها خجل

مشتاقه ليها عيون

وصبر طال بيه الأجل 

وخوف من بكره يكون

آخر صفحه ف الكتاب

والباقي يكون 

ورق أبيض

وحواليه الفراغ بيدور

سطور وسطور وسطور

وسور عالي 

وجواه الكلام مسطور

حلم وأمل مجهول

والعمر مهما يطول

الكتاب هو الكتاب

والكلام هو الكلام

والأرض مهما تدور

هتفضل هي هي

نفس السطور .....

إقرأ أيضًا/على عيني بشوفك

إقرأ أيضًا/وراء كل باب حكاية

إقرأ أيضًا/عذراً يا فتاتي