رد الفنان "تامر حسني" على هجوم "حلا شيحة"، مؤكداً على حذفه بعض المشاهد لها، حيث نفى الفنان "تامر حسني" أنه قدم اي وعد له بخصوص حذف الفيديو كليب.
وأشار الفنان"تامر حسني" عبر حسابه على موقع التواصل الاجتماعي"فيسبوك"، قائلاً: "نهاركم جميل يا أغلى الناس الحقيقة عمري ما اتخيل إني أدخل في نقاش بالشكل دا مع زميل بحترمه وكان في بينا كل خير، للتوضيح بما إنك يا حلا كتبتي بوست وأشركتي الجمهور الكريم معانا بدال ماكنتي تكلميني شخصياً ونتناقش بيني وبينك، فا أنا مضطر أرد هنا برضوا".
إقرأ أيضاً/رد قاسي من راندا البحيري على رسالة حلا شيحة
وتابع الفنان"تامر حسني" حديثه قائلاً: " أولاً أنا عمري ما وعدتك إن الكليب مش هينزل دا محصلش أصلاً يا حلا مش أنا خالص اللي أوعد وأخلف، الحقيقة أني احترمت كلامي معاكي ووعدتك أشيل مشاهد تانية طلبتيها وشيلتها بالفعل وشكرتيني عليها ولو حابه تفتكري المشاهد اللي اتشالت بعد أذنك روحي شوفيها في المونتاج عند الأستاذ عمرو عاكف أو كلميه يبعتهالك كلها موجوده، وبعدين الفيلم بقاله ٣ أسابيع في السينمات والكليب موجود جوه الفيلم.
وتابع قائلاً: "هو بالنسبالك الحرام أننا ننزل الكليب على اليوتيوب بس، إنما الكليب يتشاف جوه السينمات عادي؟ منطق غريب فعلاً يا حلا، و بعدين هو مش أنتي اللي مضيتي عقد و تقاضيتي عليه مبلغ كبير عشان الدور دا بعينه! هو مش إنتي اللي صورتيه و مثلتيه بنفسك و بمنتهى الرضا ولاّ حد أجبرك؟!! و للتوضيح للجمهور الكريم أنا و المخرجة الأستاذة ساره وفيق بعتنالك و كنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظه تقوليها، ماكنتيش بتردي علينا و تليفوناتك كلها كانت بتقفل في وشنا ".
إقرأ أيضاً/تصريحات حلا شيحة لأصدقائها ورسالتها لتامر حسني
وتابع الفنان "تامر حسني" قائلاً : " إنتي للأسف يا حلا متعاملتيش صح مع الموقف كان لازم تهتمي بأمرك أكتر من كدا و لو كان ليكي أي طلب تاني كنت هعمله بكل حب إنما إنتي فجأه أختفيتي و مكملتيش تركيب صوتك في الفيلم ولا جيتي تتصوري عشان آفيش الفيلم أصلًا و مخليتيناش نعرف نعمل آفيش مجمع ! و بقيتي تقفلي تليفوناتك و تكنسلي علينا كلنا و بعدين أي فيلم بيبقى ليه خطة مسبقة في الدعاية وانتي عارفاها كويس و وافقتي عليها و دا كليب رومانسي يعني معقول كنتي عايزه المنتج يشيل كل مشاهدك اللي صورتيها من الكليب و يطلعني بغني و بقول الكلام الرومانسي دا للأستاذ ماجد الكدواني مثلاً هو دا يُعقل ؟؟!!".
واضاف الفنان "تامر حسني"، "أنا زعلان منك جداً يا حلا على مفردات البوست بتاعك الغير موفقه و مستحيل هرد بطريقتك اللي فيها تجريح و اتهامات باطله ليا إحتراماً لحجات كتير يمكن فايتاكي بس مش هتفوتني و على فكره انا واثق انك عارفه اني مستاهلش منك كدا و هكتفي بالتوضيح دا و ربنا يهدي الجميع و يكتبلك كل الخير اللهم آمين".
إقرأ أيضاً/ما الصعوبات التي واجهت تصوير فيلم العارف للنجم "أحمد عز"
