الأغلبيه من الناس عندهم أطفال في البيت و لأننا فشهر مبارك لازم نستغل ده صح و علشان نكون قدوه ليهم لازم نعلمهم صح ، و لأننا في وقت الصيام بنتعصب من أقل حاجه و لأسباب غير معلومه و ده فحد ذاته غلط و علشان ده ميأثرش علي ولادنا هنعلمهم حاجه بسيطه خالص نمشى بيها الشهر ده و ممكن كمان نكمل بيها بعد كده..
بنجيب برطمان فاضي و نقطع شوية ورق بنفس الحجم و كل ورقه هنكتب فيها نشاط سهل نعمله مع أطفالنا و هنطوي الورق و نجمعه في البرطمان ده ، و لما نلاقي الطفل بدأ يملّ أو يزعج حد من أهل البيت في وقت الصيام بنطبق معاه واحد من الأنشطه المكتوبه ف الورق ده ، و الأنشطه دى ممكن تكون:
قصة من القرآن ، رسمه جديده ، صنع هدايا ، ترتيب غرفته ، وقت للإستغفار و الذكر ، قصه قصيره ، معلومه جديده ، وقت الكلام و المناقشه بشكل عقلاني و مناسب لعقل الطفل ، حفظ آيات من القرآن و هكذا .
كده بنكون قضينا وقت مفيد مع الطفل و علمناه حاجه جديده و فنفس الوقت مش بيزعج حد و مش بيملّ.