الفصل الخامس / اكتشافات جديده
تخيل انك بتجري في طريق طريق.. كلو صخر .. وازاز .. و بتجري الي ما لا نهايه .. بتتعور .. وبتقع .. بس لازم تقوم وتكمل .. دا طريق الحقيقه والمعرفه كلو صعب .. بس لازم تكمل عشان تفهم .. عشات تعرف ومتبقاش جاهل لازم تتعور بس في الاخر يا تقع خالص .. يا اما هتتنور ....
____
اقرأ ايضا/أسطورة طائر الرخ
____
وصل محمود اوضه اخوه عاصم .. وفتحها .. لقي منظر في منتهي الرعب
اخوه قاعد علي الكرسي وجمبه الكائن اللي منغير عيون اللي شافه قبل كدا بشكل حنين .. وماسك حاجه اشبه بالخنجر بس عليه نقوش غريبه جدا .. مثلث و عيون و دواير و مربعات وارقام وحروف كل دا موجود .. وكان نازل منها سائل اسود واخوه قاعده وباصص لمحمود وبيستنجد بيه في صمت ولا بيتحرك ولا اي حاجه كل ما في الموضوع انه باصصله وبس وعينه بتقوله الحقني
محمود كان واقف متخشب من الصدمه مش فاهم ايه كل اللي قدامه دا وفي لحظه واقل من الثانيه كان اخوه بيصرخ من الوجع والالم .. الخنجر بقي فيه !!!
محمود صرخ بأعلي صوته وجري ناحيه عاصم بس لما جري ملقاش حاجه اخترق جسم اخوه وبص وراه تاني ملقاش اي حاجه!! يعني ايه !؟
فضل مبحلق شويه بيستوعب يعني كل دا كان خيال طب انا في حلم دلوقتي طيب ولا ايه ..
وملحقش يكمل افكاره لانه كان في حلم فعلا ولقي اخوه بيصحيه و وشه مخضوض وبيقوله: يابني قوم مالك اهدا
محمود قام مفزوع ومسك ف اخوه وقاله: انت كويس حصلك حاجه انت كويس ؟؟؟
عاصم: يابني اهدا فيه ايه انا كويس انت اللي مالك
محمود: مفيش حلمت بس بكابوس ف مخضوض شويه
عاصم: اه مهو واضح
___
اقرأ ايضا/الفصل الرابع من رواية ميلاد شيطان
___
طيب هحضرلك تفطر
محمود: ماشي
قام محمود ومسح علي شعره بعصبيه وقعد يقول لنفسه: انا ايه اللي بيحصلي داااااا .. هو فيه ايه بقييي انا زهقت وتعبت يااارب ساعدني ياااارب
قام ودخل الحمام واتوضي وصلي
بعد ما خلص عاصم ندهه عليه عشان يفطر وكانت الساعه 2 ونص الضهر .. فطروا و محمود كان شارد جدا و عمال يفكر لحد ما قام فجأه وراح دخل اوضته وغير هدومه وخرج وقال لعاصم انه نازل عاصم اتخض من كل داا وقاله: رايح فين
محمود: لما ارجع هقولك خلي بالك بس من نفسك وشغل قرآن في البيت
محمود نزل بسرعه قبل حتي ميسمع عاصم و وقف تاكسي وراح بيه علي اخر مكان كان فيه مع ساره .. المكان اللي جاب منه الكرسي !!
وصل محمود للمكان المطلوب وفضل يدور في الشوارع لحد ما لقي المحل .. المحل اللي بدأ بسببه كل حاجه حصلتله
دخل المحل ولقي الراجل العجوز ومعاه شاب كدا وقاله :خير يابني تؤمرني ب ايه
محمود : الامر لله وحده .. انا من فتره كبيره شويه اشتريت منك كرسي كدا قديم انا وخطيبتي لو فاكر وادتهولنا حتي ب سعر قليل وهيا قعدت تفاصل معاك
الراجل العجوز: يابني انا راجل كبير وبفتكر انا كلت ايه امبارح بالعافيه.. طب قولي كان الكرسي دا شكله ايه
محمود وصف الكرسي للراجل والراجل قاله: ااااه افتكرت انت اللي خدت الكرسي الملعون
محمود بصلو وبحلق وقاله: نعم؟؟
الراجل العجوز: يابني دا الكرسي دا حكايته غريبه جدااا والكلام كتير عليه
محمود: انا مش فاهم حاجه ممكن تفهمني
الشاب اتكلم وقاله: فكك من كل الكلام دا ومفيش الكلام دا .. بس يابابا متخوفش الناس بحواديتك الغريبه دي
___
اقرأ ايضا/الفصل الرابع "هل حقيقة أم حلم" من رواية الكرسي الملعون
___
محمود قاله: لا لا انا عايز اعرف .. هو حضرتك اسمك ايه
الراجل العجوز : عباس يابني اسمي عباس ودا ابني شريف
محمود:اهلا وسهلا .. طب ممكن ياعم عباس تحكيلي حكايه الكرسي دا
عباس : حاضر يابني.. بص الكرسي دا والله واعلم بيتقال انه كان تبع راجل ولعياذ بالله يعني مخاوي جن وعفاريت كتير وكان بيجيب عليه ناس ويقتلهم عليه ويقدمهم كنوع من انواع القرابين للجن عشان يفضلو يساعدوه وبيقال ان الراجل دا جابوه وحكمو عليه بالاعدام وانت عارف اي حد بيتحكم عليه بالاعدام بيبقي له طلب وهو كان في طلبو الاخير انه يجيبو الكرسي دا وكلو استغرب وفعلا جابولو الكرسي وقعد هو عليه وقعد يقول كلام غريب ومش مفهوم وقام من ع الكرسي وقال جملتين بالظبط " تخليد الروح في الجماد"
ومن ساعتها بيقال ان الكرسي دا كل ما بيقعد عليه حد او بيشتريه بيموت
لفت الايام والكرسي دا اتباع في مزادات كتير لحد ما في يوم جيه شخص وباعهولي بمبلغ كبير اووي وحاولت انا ابيعه من بعدها بس معرفتش لانه شكله قديم دلوقتي ف بقيت اعرضه بالسعر اللي انت خدتو بيه دا .. بس دي كل الحكايه
محمود قام وقف بعصبيه وقال.........
