وقلبه حلف بعدها ما يعرف غيرها بحنيتها وعفويتها عمته عن غيرها وقلبها دا زي الطيف مرة احمر مره أصفر مرة ازرق بتتغير عشانه ودا كله عشان تكون غير أي بنت بس هي متعرفش إنها خاطفه قلبه من غير أي حاجه دي بس ضحكتها كانت كفيله بإنها تحييه لسنة قدام وازاي تقوم تغير في حاجتها وهي عارفه ازاي كان بيحبها عنيها كانت زي الكونياك بتخليه يسكر ولايكون حااسس إلا وجودها طافي وطاغي على الكل ما هي كان طول عمرها طاغية على الكل في قلبه كان من صغره لالا من أول ما إتولدت لالالا دا قبل ما يتولدو كانت من قسيمته ونصيبه في كتابه وحظه كأنه خد حظ الدنيا لما اتكتبت على اسمه ودمها اختلط بدمه حب عايش وساري للنهاية وما بعدها ومقابلتهم بدأت بالروح إتلاقت الأرواح في ملكوته وسبحان الله لديه حكمة في كل شيء وها هي الآن الأرواح تلاقت حتى ولم تتلاقى من السابق ولكن لن يحدث شيئاً إلا بميعاد من الله
والحدوتة والرواية حب هدوءها جيي وسأل عنها ولحسن الحظ صاحبتها بنت عمه وكانو صحاب وكأن القدر جمع الدايره عشان تكمل ، والصحبة كانت من زمان عشرة اعدادي وثانوي وجامعة وهتكون عشرة العمر ونا ليا مين غيرها ... حبها وقالي ما حبيت غيرها والعشق كان كله ليها جالي وقالي طالب رضاها ودي هواها صعب أنا عرفاها قالي تستاهل ومين غيرها يستاهل إني أتعب عشانها قولتله ما تبعد عنها قالي والروح إن غابت عن الجسد مسيرها تموت فمُوتي هيكون في بُعدها إزاي تقوليلي أبعد ونا بقيت عاوز أتنفس وجودها جنبي بقت أمنيتي الأولى والأخيرة ، ودي اللي لو لفيت العالم مش هلاقي ضفرها تقوليلي أسيب!! ؟ ملكت قلبي وكتبته بإسمها وقلبي بكل استسلام مطاوعها فازاي أعرف ولا اشوف غيرها
وهي كانت خايفة زيها زي أي بنت شاب غريب متعرفهوش طالب إيديها بس الاوان مش أوانه ترفض ومتطاوعش الشيطان وتقوله اصبر مش وقتك ، قالتله قربك مني هيكون في الحلال تيجي ومعاك دبلتك ويكون بينا مهله وهو اكمنه شاريها جااي للطريق من بيته ناويها والرب ساعده وقاله هيأتهالك من البداية تستاهلها ، حيطان المطبخ اشتكي وقرب الببغاء يكرر كلامه كانت في باله فطار وغدا وعشا ، وراح واتقدم وجيي قبل المعاد مش هنسى مكالمة بيتها وازاي أوصل لبيتها وخليتك تطقم معاها ومكنتش أول مرة اخليها تصدف مكنتش سهلة عارفة بس أعمل اي إختارت أعز صحابي ومكنتش هلاقيلك أحسن منها تكون من نصيبك ، ولو حد جيي على عتبة بيتها هكسرهاله ووفى بوعده أصل إحنا عيلتنا رجالة لما بيوعدو بيوفو
وكأن الشر عمال يراقبه مستني فرصة تناسبه وعرف وقت ما راح وعمل عملته قبلها بأسبوع وربك رايد ليهم يتجمعو والله لو اتفقت كل قوى الشر مدام ربك راد فهيحقق المُراد اطمن انت بس ...وعدى اليوم وعدى على خير واتجمعو على خير فرحة 9/9 وأحلى فرحة في العمر فرحة 9/9 حلمنا وخططنا وتعبنا عشان يجي اليوم دا كان تعب وسهر شهور وشيلان الهم فوق الهم مش هنسى ازاي مرت واي الل احنا شفناه بس الاكيد كمان شفنا الحلو كله ف اليوم دا وقت ما لبست دبلتك وبقت على إسمك
إقرأ أيضًا/ المسنين فى مصر القديمة
إقرأ أيضًا/أيسخولوس والمأساة الأتيكية
إقرأ أيضًا/خطابات الموتى والأولياء
