في موقع عشموذيع بنقدم ليكم فقرة لمسات رمضانية بنتكلم فيها عن تصرفات بتحصل ف رمضان تضيع مننا حلاوة الشهر و هنتكلم فيها علي لسانكم علي مدار 30 يوم و كمان نصايح صحية و إجتماعية و دينية..و النهارده اليوم الأول في الشهر المبارك و اللمسه الأولى علي لسان نورهان عزت و بتقول فيها:
الحرام قبل الفطار حرام بعده، و إن الفرح برمضان من علامات الإيمان فلما نقرر نتوب فيه لازم تكون توبه صادقه مش مؤجلة، ناس كتير بتصوم و تصلي في نهار رمضان و بعد الإفطار بتعمل ذنوب و فاكره إن بعد الافطار خلاص خرجت من حكم الصوم.
و ردت عليها رانيا سعيد و قالت:
كمان فيه ناس بعد الفطار بتسمع أغاني و بتعوض الوقت اللي صامته و ذنوب كتير بيأجلوها لبعد الفطار و بيضيعوا اليوم كله في النوم و يصحوا ع الفطار يقضوا الليل في المسلسلات، فين إحنا من رمضان و الصوم و العباده؟..
اقرأ أيضا مدفع رمضان وحكايات مختلفة
المختصر إننا لازم نصوم مش بس عن الأكل و الشرب و كمان بالعين و اللسان ، و نتوب من القلب توبه صادقه قبل و بعد الفطار و كمان بعد رمضان يعني مش بمجرد ما الشهر يخلص نرجع للذنوب تاني بحجة إن رمضان خلص!
قال تعالى: "ياأيُّها الَّذينَ آمنُوا تُوبوا إلَى اللَّهِ تَوْبةً نَّصُوحاً عَسَى رَبُكُم أن يُكفِّر عنكُم سَيئاتِكُم و يُدخلكم جنَّات ..."