تقدم الدكتور "سمير صبري" المحامي ببلاغ للنائب العام ضد حنين حسام صاحبة التيك توك لتحريضها علي الدعارة.
قال البلاغ: حنين حسام تعد أحد أشهر مستخدمى مواقع التواصل الإجتماعى، المتعلقة بالفيديوهات القصيرة "تيك توك"، و"لايكى"، وتستخدم أساليب حقيرة مبتذلة منافية للآداب العامة ومحرضة علي الفسق والدعارة لقيامها بسلوكيات تتنافى مع الآداب العامة والقيم والتقاليد فى تقديم الفيديوهات، ودعوتها لبعض الفتيات فى تقديم محتوى عبر إحدى التطبيقات، هو الأمر الذى يدر عليهم دخلًا بالدولار وظهرت حنين فى أحد الفيديوهات من منزلها، ودعت الفتيات إلى العمل من المنزل، والعائد المادى يصل إلى مئات الدولارات قائلة" أنا عارفة إن فى ناس كتيرة قاعدة فى البيت وأشغالها اتعطلت علشان كده أنا عملت وكالة على لايكى الجروب هيكون بنات بس.. وتطلب من متابعيها وخاصة الفيتات عمل فيديو "لايف" على تطبيق "لايكي" مقابل أموال كثيرة.. وقالت فى الفيديو" أنا عارفة إن عندكوا مشاكل مادية، أنا عملت وكالة على (لايكي) مسكت ورقها وإدارتها أنا اللي هكون فى الجروب أنا عايزة الجروب بنات بس مش عايزة أي ولد عشان ده أكل عيش ناس".
وفصّلت مواصفات الفتيات التي ترغب فيهن ليحصلن على أموال مقابل كل لايف "ميقلوش عن 18 سنة المفروض إن حضرتك مذيعة فى أبلكيشن يكون عندك نت وإضاءة كويسة
وأكملت: "اللايف بيكون فورمال مينفعش تخرجي بأي لبس خارج أنا مبحبش الحال المايل مفيش تجاوزات ومفيش قلة أدب"
وأكملت: "أنا مش هكون عايزة 100 بنت قالعين ملط لا 20 بنت من غير كده أحسن التارجت مش كل الناس هتتساوى ببعض كل حاجة ليها قبضها وحسب المشاهدات من أول 36 دولارا لحد 2000 و3000 دولار"
وقالت في الفيديو: "اللايف بوشكم مش بلاك سكرين إضاءة كويس ونت كويس وشكل لائق شوية الداعمين هيدخلوا هتتعرفي على الناس وتكّوني صداقات بشكل محترم وجميل وأنا بتجيلي كل حاجة بعد إذنكم مش عايزة تجاوزات في وكالتي أهم حاجة عندي السمعة والله".
كما أستند البلاغ إلى: أن حنين حسام إقترفت العديد من الجرائم أبرزها جريمة التحريض على الفسق والفجور المعاقب عليها بالمادة ١٧٨ من قانون العقوبات.
وأضاف أن من ضمن العقوبات التي تتعرض لها حنين حسام المادة ٢٦٩ مكررًا من المرسوم بقانون رقم ١١ لسنة ٢٠١١ الصادر من المجلس الأعلى للقوات المسلحة بتعديل بعض أحكام قانون العقوبات والمادة ٣٠٦ مكررًا "أ": من قانون العقوبات وأمام ذلك لا يسع المبلغ إلا التقدم بهذا البلاغ ضد الطالبة بكلية الآثار جامعة القاهرة حنين حسام ملتمسا وبعد مشاهدة الأسطوانة والمستندات المرفقة تم إصدار الأمر بإدراجها على قوائم الممنوعين من مغادرة البلاد والتحقيق فى هذا البلاغ وتقديمها للمحاكمة الجنائية العاجلة.
