بيجي عليك وقت وتبقي خلاص يأست ومش قادر تكمل وفقد الأمل في المحاولات وتبقي خلاص هتستسلم . . لكن تلاقي حاجة حصلت غيرت كل حاجة ورجعتلك الأمل تاني زي ما يكون ربنا بيبعتلك رسالة انه جنبك وبيستجبلك بس عايزك تصبر ؛ بيبعتلك رسالة تقولك متيأسش كمل انت خلاص قربت توصل لللي انت عايزه ؛ قربت توصل للي بتتمناه ومبطلتش دعا بيه ؛ بيقولك أنا سامعك وبستجبلك بس كان لازم تتعب شوية عشان تحس بقيمة الحاجة دي وتعرف انت غلط في اي ومتغلطش تاني.
=====
اقرأ أيضا/تفاصيل حياتنا
=====
ربنا عمره ماهيخليك تتمني حاجة كل الظروف حواليك بتقول إنها خلاص مبقاش فيها أمل ومش هتحصل وتبقي انت مكمل في دعائك بيها ؛ وفي حاجة جواك بتقولك إنها هتحصل ومسيرها تتحقق ولو بعد سنين.
ربنا عمره ماهيخلي جواك أمل وكل متيجي تقف وتقول خلاص مش هكمل يبعتلك رسالة علي هيئة حاجة تحصل تقوي وتكبر الأمل دا جواك وتخليك تكمل ؛ إلا لو فعلاً ربنا شايف إن الحاجة دي فيها خير ليك ومسيره يحققهالك بس في الوقت المناسب.
=====
اقرأ أيضا/الزواج وما يدور حوله
=====
لحظات اليأس بتيجي كتير وبننهار أكتر بس ربنا قادر على كل شئ.
افتكر إن ربنا بيحب العبد اللحوح في الدعاء واستقوي بإيمانك وعشمك الكبير في ربنا ، تأكد وثق دايما إن ربنا شايلك الأحسن ومجرد إنك تدعي وتستمر في دعائك باللي بتتمناه دا أكبر دليل إن بإذن الله ربنا هييستجيبلك ولو بعد حين.
متفقدش الأمل وتيأس في يوم وخليك دايما مقتنع إنلو ليك نصيب في حاجة هتاخدها مهما حصل ومهما كانت الظروف ضدك ، سيبها علي ربنا وخلي عشمك فيه كبير وانت هتطمن.
=====
اقرأ أيضا/أرض كنعان
=====
