" التابوت الأخضر "
-من الحجات المبهجة اوى اللى حصلت امبارح الاتنين الموافق ٢-١ واللى نقدر نعتبرة بداية مبشرة أوي لسنة جديدة هو استراد "التابوت الأخضر " من الولايات المتحدة الأمريكية.
*بداية كده سبب تسمية بالاخضر؛ هو وجه الملون بالاخضر وزي ما احنا عارفين ان المصرى القديم مكنش بيعمل حاجة وخلاص وان كل حاجة ليها مغزى والاغلب بيبقى المغزى ده دينى عشان كدة إختياره للون الأخضر هو
- أما رمزا للمعبود اوزير ( رب العالم الاخر )
- أو ربما يكون اشارة لمكانة صاحب التابوت العالية وصلته القوية بالاسرة الحاكمة ...
*نسب التابوت: التابوت بيرجع لعهد العصر المتأخر وبالتحديد من الأسرة ( ٢٧ : ٣٠) ، لشخص يدعى "عنخ إم ماعت" وده كان كاهن فى مدينة "هيراكيوبوليس "
* الشكل العام للتابوت: التابوت بيعتبر من اكبر واضخم التوابيت الخشبية فى الحضارة المصرية طولة تقريبا ٣ متر ووزنه بيصل لحد ٥٠٠كجم يعني نص طن تقريبا، التابوت منقوش عليه نصوص بالخط الهيروغليفي المذهب وهى نصوص دينية بتسجل لمساعدة المتوفى في العالم الاخر ..
* قصة استرداده: التابوت خرج من منطقة مصر الوسطى بطريقة غير شرعية للولايات المتحدة الأمريكية وحصل مفاوضات بين البلدين ( مصر ، أمريكا) وصلت ل٤ اعوام تقريبا انتهت المفاوضات دى بنتيجة مرضية واستردت مصر فيها التابوت الأخضر معاه ١٦ قطعة اثرية اخرى اهمهم التابوت الأخضر ده التابوت كان معروض فى إحدى متاحف الولايات المتحدة الأمريكية وهو (متحف هيوستن) الا ان تم استرداده بالأمس
- التابوت اللي تم استراده بالأمس كان عبارة عن غطاء فقط وده لان ثقل وزن التابوت جعل من الصعب سرقته كاملًا لان زي ماقلنا وزنه كان نص طن تقريبًا.
