|شمس مصر| زوجة رامي جمال تكشف معاناته بسبب البهاق

تضامنت الفنانة المعتزلة ناريمان مع زوجها المطرب رامي جمال بعد تعرضه مؤخرًا للتنمر بسبب إصابته بمرض البهاق وكشفت عن المزيد من "المواقف المحرجة" بسبب ظهور آثار المرض واضحة على يديه رغم إعلانه أكثر من مرة أن المرض لا ينتقل بالتلامس وليس معديًا من الأساس حيث قامت "ناريمان" بإعادة مشاركة منشور زوجها رامي جمال الذي روى فيه وقائع الموقف المحرج الأخير وعلقت عليه عبر حسابها الشخصي على "إنستجرام" قائلة: يا حبيبي ربنا يعافيك ويعفو عنك وعن كل مريض يارب أنا فاكره الموقف دا كويس جداً وفاكرة كمان لما بدأ يزيد وكنت بتبقى مضايق من شكل إيدك وأنا كنت بفضل مسكاها طول الوقت علشان متبصش عليها، وأنهم كانوا بيتريقوا علينا أني ماسكه اإيدك طول الوقت».

| شمس مصر | رامي عياش يستقبل طفلته الجديدة

وتابعت أيضًا: فاكرة كمان كذا موقف حصل خلاك تقرر تتكلم عن الموضوع علشان ساعتها الناس كانت متخيلة أنه لسه جايلك لا هو أنت أعلنت بعدها بحوالى 3 سنين أو حاجه لأنه أنا فاكره جالك قبل ما نتجوز بشوية كمان مش قبلها على طول بس أنا اتعلمت منك في الفترة دى الرضا وشفت بعدين أد ايه ربنا بيحبك ومحبب فيك خلقه وكشف رامي جمال مؤخرًا عن موقف مؤثر تعرض له بسبب إصابته بمرض البهاق وأضاف في برنامج "عالوعد" المذاع على قناة sbc : كنت خارج من الاستديو وسلمت على واحد ومد إيده ولما شاف إيدي سحب إيده ووطى عمل نفسه بيربط الجزمة.

| شمس مصر | أول تعليق من ‎ويجز بعد الغناء في ختام كأس العالم

وتابع: فهمت وقومت واخد عربيتي وحاول يلحقني ويقولي أنت زعلت ولا إيه؟ قولت له لا مزعلتش خالص وروحت عند ناس صحابي كنا بنلعب بلاي ستيشن وسبت دراع البلايستشن وكتبت لو مقبلتونيش بالشكل ده أنا معنديش مشكلة وعندي بيزنس تاني على الرغم من أن الفن بحبه جدًا لكن مش عايز يبقى وجودي بسبب التعاطف معايا انا مش مريض عشان اشوف الكل متعاطف معايا دا ممكن يكون حب من ربنا وبيختبرني عشان يشوفني هرضى وهصبر أو لا.