ردت هبة السيسي على منتقدي إطلالتها في مهرجان القاهرة السينمائي، حيث ظهرت "السيسي" بفستان شديد الجرأة، مخالف للقيود والضوابط التي وُضعت للمهرجان، وذلك من خلال حسابها الشخصي على موقع تبادل الصور والفيديوهات "إنستجرام" حيث كتبت:"نمت صحيت من النوم لقيتني طالعة تريند، ومصر كلها بتكلمني، وأنا مش بحب الترند خالص سواء كان عن حاجة كويسة أو وحشة ومش بحب أكون في الظهور. أنا اخترت الفستان علشان مختلف. حاجة زي بتوع هوليوود وشكله حلو ومش هيكون حلو غير عليا وده مش غرور لكني بيليق عليا الحاجات المختلفة وبيكون شكلي فيها حلو".
اقرأ أيضًا/جينيفر أنيستون تكشف عن معاناتها مع وفاة والدها
وعن رد فعل الجمهور وأقوالهم بأنها تتحدى القواعد التي وضعها الفنان المصري القدير حسين فهمي، ردت قائلة:" لقيت الناس بتقول إني بتحدى حسين فهمي لكن اللي فاهمين في الفاشون بيقولوا أنه مختلف وبينافس عروض الأزياء العالمية وأنا مش بتحدى حد، وماكنش في دماغي أكون تريند"، وكان قد أثار الفنان حسين فهمي الجدل منذ عدة أسابيع عندما وضع ضوابط للأزياء في مهرجان القاهرة السينمائي.
اقرأ أيضًا/وفاة الممثل الأردني أشرف طلفاح
حيث صرح أنه من الضروري الالتزام بما يسمى الدريس كود، وقال خلال فيديو نُشر عبر قناة المهرجان بموقع"يوتيوب" الشهير:" إحنا مهرجان دولي درجة أولى، ولما جيت المهرجان لقيت إن كل واحد بيلبس اللي هو عاوزه، عيب، أنا هلبس كويس والناس تلبس لطيف والنساء تلبس كويس، المسألة تطورت أكثر مما أتخيل، مسألة اللبس تطورت فوق ما كنت أتخيل، وبقى وريني يا حبيبتي الفستان طب لفي كده، اسمه إيه الكوافير، مش ده المهرجان، كلنا لازم نبقى لابسين الدريس كود بتاع كل المهرجانات الدولية، الناس هتلبس كويس وهتبقى شيك وهيبان إنه مهرجان قيّم جدًا".
