المحتوى/كشف المايسترو نادر عباسي سر عدم زواجه حتى الآن مؤكدًا أنه ليس متمسكًا بحياة العزوبية ولكن كل من سعى للزواج منهن رفضن البقاء معه نظرًا لتقلباته المزاجية وطبيعة عمله التي تفرض عليه السفر المتكرر لفترات طويلة وتحدث لأول مرة عن علاقته بالفنانة "ماجدة الرومي" وسبب موافقته على قيادة أوركسترا حفلاتها الغنائية ورفضه المشاركة مع أي مطربة أخرى.
اقرأ أيضًا/شمس مصر|.. بعد خروجها من المستشفى.. البيان الأول لشيرين
وقال المايسترو نادر عباسي خلال حواره في برنامج "الستات"، الذي تقدمه الإعلامية "مفيدة شيحة" والإعلامية "سهير جودة" : "شفت ستات وعرايس كتير وحبيتهم لكن هما اللي مش حابني أنا سهل جدًا ولكني أيضًا صعب جدًا مشيرًا إلى أنه من مواليد برج العذراء" وأضاف: "العذراء بيحب بسرعة لكن الاستمرار في العلاقات معايا صعب قوي لأني شخصية متنقلة وبسافر كتير كمان أنا شخصية ناقدة جدًا والستات مش بتحب ده".
اقرأ أيضًا/بعد نجاح أغنية "القلب مات"... جنات تطرح أغنية جديدة
وكشف نادر عباسي سر علاقته المتميزة مع الفنانة اللبنانية ماجدة الرومي قائلًا: أنا عامة لا أقود موسيقى مغنين عرب لأن الأعمال مش محتاجة قائد كلاسيكي بتكون سهلة وفي ناس هيعملوها أشطر مني بكتير وأضاف: أنا كنت في باريس وكلمني المسؤلين عن حفل ماجدة الرومي وطلبوا مني إني أقود الحفل أنا رفضت وقولت لهم الموضوع مش مستاهل مايسترو لكنهم قالوا لي لو سمعت الموسيقى هتتأكد إنها محتاجة مايسترو وبعدها سمعت الموسيقى وتأكدت إنها فعلا محتاجة مايسترو وتابع قائلًا: وافقت ورحت لماجدة الرومي لبنان هى كانت خايفة مني قوي سمعت عني إني صعب في التعامل وعصبي وطلبت مني أكون هادئ وهى فعلًا زي العصفورة ورقيقة جدًا وحساسة جدًا أنا قلت لها متخافيش أنا بعمل كده لمصلحة الشغل أنا مش قصدي أني أخوف اللي معايا وواصل "عباسي": وبالفعل اشتغلنا مع بعض وهى كانت طالبة 23 بروفة وقلت لها هعملها في 4 بروفات بالكتير وأقنعتها كانت الأول قلقانة شوية وبعد كده علاقتنا بقت حلوة جدًا كأصدقاء كمان بنتكلم في كل حاجة".
