تأليف وإلقاء
الشاعر والأديب
وحيد علي الجمال
( اسمحيلي )
اسمحيلي أعترفلك
مهما كان شكل العتاب
قلبي بعدك كان فتحلك
في الهوى ١٠٠ ألف باب
الغياب كان باختيارك
و الرجوع أصلا قرارك
اللي بينا حلم فاضل
ويه حبة ذكريات
هما عندي كل حاجة
حتى لو كانوا فتات
لسه خايف م الحقيقة
يطلع العمر اللي عشته
فصل من زمن السراب
انكساري و انهزامي
ذنب تاني رافضه فيكي
موتي فيك مش حداد
قبل منك بعد منك
قلبى أعلن إنه تاب
أيوه مقدرتش أعدي
فوق دموعي
فوق خضوعي قلبي شاب
كل يوم شبه اللي عدا
و اللي عدا دمعة شردا
حب باهت سكة تاهت
كل حاجة بينا مالت
حب مات من غير سبب
من غير دليل
حب رافض
يبقى جنة في مستحيل
وحيد علي الجمال
سرس الليان / محافظة المنوفية / جمهورية مصر العربية
