رد الفنان أكرم حسني على الشاعر عادل صابر والذي اتهمه بسرقة أغنية "للي"، والتي كتبها ولحنها "أكرم" للكينج محمد منير، وكتب عبر حسابه الشخصي على موقع التواصل الاجتماعي "فيسبوك" :"قريت من شوية بوست بيتهمني بسرقة كلمات اغنية " للي " من شاعر من جنوب مصر الحبيب و بعدها اكتر من صحفي كلمني بيطلب مني رد علي الاتهام ده .. ف خلوني اوضح كذا نقطة :
١ - كل الحب و الاحترام و التقدير لكل موهبة فنية بتقدم فن يحترم الجمهور و جنوب مصر خرجلنا شعراء و ادباء كتير علي رأسهم الخال الابنودي رحمة الله عليه
٢ - أؤمن بحقوق الملكيه الفكريه كما أؤمن بان السرقه الفنيه تصنع نجاح مؤقت"
اقرأ أيضًا/|شمس مصر|.. دلع حالك.. للمطرب الشاب أحمد سيد
وتابع:" ٣ - تشابه جملة من الأغنيه التي تتكون من ١٢ بيت مع جملة للشاعر لا يعني السرقة و انما توارد الافكار امر طبيعي"
٤ - لما كتبت الاغنية كانت مكونة من ٢٠ بيت اختار منهم الكينج ١٢ بيت و تم تسجيلهم ف معتقدتش اللي كتب ٢٠ بيت هتقف معاه في جملة عشان يسرقها
٥ - انا بكتب اغاني بقالي اكتر من ٨ سنين من خلال برامج و مسلسلات و اعمال فنية قدمتها و كنت علي سبيل المثال في اغاني برنامج ابو حفيظة قبل ما بستخدم لحن اي اغنية في البرنامج برجع لجمعية المؤلفين و الملحنين و اسدد الرسوم حفظا لاصحاب حقوق الملكية الفكرية .. ف اللي يعمل كده بيتهيألي صعب يحط نفسه في موقف زي ده".
اقرأ أيضًا/|شمس مصر|.. "كيرة والجن" يصل ل78مليون جنية
واختتم" حسني" حديثه قائلًا:" انا مهنتي الاساسية ممثل و بحب صناعة الاغاني من باب الهواية ف انا مش محتاج اسرق عشان اعمل رصيد لنفسي كشاعر .. انا بعمل ده بحب، و اخيرا .. انا كتبت البوست ده مش دفاعا عن نفسي و لكن لاحترامي للجمهور المحترم اللي بيثق فيا ف حبيت اوضح له.. أشكركم و اسف علي الاطالة".
