تيجي نعمل دايت؟
ولكن مش دايت غرضه إني اخس في الوزن دايت عشان نفسي وصحتي النفسية... تفتكر؟
هات ورقه وقلم وانقل النظام:
_تيجي نبطل نفكر كثير في أفكار سلبية تحبط طاقتنا وتخسرنا السلام النفسي اللي وجوده بقى حلم.
_نقلل شوية من مراقبة الناس والحكم عليهم؛ قد إيه الإنشغال بالناس ومشاكلهم شيء مرهق بنتسرسب جواه من غير ما نُدرك ونكتشف بعد وقت خسارتنا لنفسنا _ويمكن منكتشفش_.
_متقارنش نفسك بغيرك أولاً وثانيًا واخيرًا.. هترتاح.
_محتاجين نقلل الشك والخوف اللي مستحوذين بردو على سلامنا النفسي.
_وسائل التواصل كل ما قل وقتها كل ما هتحس بفرق مش هقدر أشرحهولك لكن إشغل نفسك وهتحسه لوحدك.
_بطل تنقل أخبار سلبية وتفكر فيها لأن الإجابة جوا القطعة "سلبية".
_متضحيش كتير عشان مش طول الوقت هتلاقي ناس تقدر تضحياتك وعلى ذكر الناس؛ عود نفسك تقلل من العاطفية في حياتك لأنها أكبر سبب للتوتر والضغط النفسي.
أقرأ ايضا: |شمس مصر|.. لا تسألني من أنا
أقرأ ايضا: |شمس مصر|.. رغم السعادة يكمن الألم
أقرأ ايضا: |شمس مصر|.. حب التملك وعلاجه
