ازيك عاملة اي
بصيت من غير اهتمام
قالي لحظة والله مش هاخد من وقتك كتير
قولت أسفة مافيش مابنا سؤال
قالي بحبك ودا اللي هيخلق مجال للكلام
قولت أسفة مش بفكر ف الجواز
قالي مش قضية فكري وانتي معايا
قولت مش هينفع مش ف دماغي الحكاية
وأنا معرفكش ولا هتكون مابنا بداية
قالي لو مكنتيش معايا هيبقى دا خط النهاية
محطتش في دماغي الكلام
ومشيت وعادي ولا اتهزيت
روحت ولأهلي حكيت
وهما جابوه وبالكلام عتبوه
لكن ولا اهتم باللي اتقال
روحنا عاملنا عدم تعرض
بس برضوا العند راكبه
تاني يوم عادي جدا
لبست ورايحة امتحاني
لقيت حاجة غريبة جدا
حد بيمسك إيدي بطريقة وجعتني
بصيت وقولت في ايه
سيب إيدي لو سمحت
وصوتي بدأ يعلى والناس كتير حواليا
لكن مافيش حد فيهم مد إيده للمساعدة
فضلت انادي والأمل فيا لحد ماجت أول طعنة ليه صوتي بدأ يوطي جامد والدموع ملت عنيا
ولقيت طعنة ورا طعنة لحد ما قضى عليا
مش قولتلك لو مش ليا يبقى مافيش بعدي
هو حقيقي الحب بيقتل
اللي كان معنى الأمان
يعني خلاص على الدنيا السلام
اقرأ أيضاً:|شمس مصر|..حب التملك وعلاجه
اقرأ أيضاً:|شمس مصر|.. سندي الذي لا يميل
اقرأ أيضاً:|شمس مصر|..مصاعب الحياة ومواجهتها
