فن

|شمس مصر|.. بكاء الفنان "أحمد عزمي" على الهواء بسبب فيديو الفنان صلاح عبد الله

2022/02/26 08:23 PM | المشاهدات: 446

أمنية حاتم شوقي

ظهر الفنان "أحمد عزمي" عبر القناة الفضائية "إن بي سي مصر" بعد غيابه لسنوات طوال حيث بكىٰ الفنان "أحمد عزمي" بعدما قال له الفنان "صلاح عبد الله" في مداخلة هاتفية بالبرنامج "واحشني يا ابني"، رد عليه "حبيبي واحشني يا عم صلاح أنا مكسوف منك" رد عليه الفنان "صلاح عبد الله" "أوعى تقول كده ده أنت ابني وحبيبي وأنت عارف عملت دور ابني كذا مرة، وفي الحياة أنت عارف كنت بحبك أد إيه، والله رغم إني كنت في ظرف صعب، بس لما قالولي أحمد عزمي قولتلهم لا هطلع معاكم".

فرد عليه الفنان "أحمد عزمي" "أنا عارف غلاوتي عندك والله، أنت واحشني أوي أوي يا عم صلاح"، وتحدث أيضًا عن محاولة قتل أخيه الأصغر مما اضطره للسفر "لشرم الشيخ" وتعرفه علىٰ ناس غير سوية وقال عزمي: "أنا في 2013 اتمسكت في شرم الشيخ بمواد مخدرة، واتعملي قضية وخدت حكم 6 شهور، وقضيت العقوبة، وخرجت على مصر وهي بتتولد من جديد".

وأكمل كلامه: "أنا بعد ما خرجت حسيت بكسوف وده يمكن أكد للناس إن أحمد خلاص بقىٰ محبط، بس الحقيقة إني كنت مكسوف وحاسس إني عامل عملة، وناس كتير من أساتذتي كانوا شايفين إن أحمد عنده حاجة حلوة وبتكبر، لما كل ده حصل بقيت مكسوف أكلم أي حد حتى عم صلاح عبد الله" وأوضح: "أنا بعد الخروج نويت من جوايا إني هبدأ صفحة جديدة، وهبتدي حياتي بشكل مختلف خالص، والحمدلله اتجوزت تاني واستقريت وبدأت أفكر في حياتي، وكانت المفاجأة الأولى لما أستاذ "وحيد حامد" بعتلي علشان فيلم الجماعة "الجزء التاني"، وبعدها عملت مسلسل "الشارع اللي ورانا" مع الأستاذ "مجدي الهواري"