ظهرت إيناس مكي بعد فترة غياب طويلة كضيفة مع الإعلامية ياسمين عز في برنامج "كلام الناس" على قناة "MBC" مصر، وتحدثت خلال اللقاء عن اعتذارها عن فيلم "مواطن ومخبر وحرامي" حيث قالت: "اعتذرت عن بطولة فيلم "مواطن ومخبر وحرامي" بسبب 7 مشاهد جريئة".
ووضحت سبب اعتذارها عن الفيلم حيث أضافت: "كان نفسي يكون ليا نصيب للمشاركة في الفيلم ده وكان بعد مجموعة أعمال عملتها الأستاذ داوود عبد السيد طلبني للفيلم ده"، وتابعت "الفيلم كان ليه بطلتين واحدة متحررة بتاعة كتب وبتتكلم عن حرية المرأة ودي الشخصية اللي اتعرضت عليا والبطلة التانية من الطبقة الشعبية واللي اشتغلت معايا البروفات كانت حنان ترك مش هند صبري"
اقرأ أيضًا/|شمس مصر|.. في ذكرى وفاته.. حقيقة إدمان حاتم ذو الفقار المخدرات
وتابعت قائلة "اشتغلت شهرين بروفات والدور لو كنت عملته كان هيبقى نقلة رهيبة ليا وكان 35 مشهد لكن كان منهم 7 مشاهد فيهم تفاصيل أنا لو قلت تمام هصورهم"، وتحدثت عن عن المشاهد التي رفضتها حيث قالت "الـ 7 مشاهد كان فيهم مشاهد إنها هتبقى بقميص النوم وهتقلعه وهتبقى بالملابس الداخلية، وأنا مش هعرف أصور ده وفي مشاهد تانية حميمية، وليها مشاهد مع شعبان عبد الرحيم"
اقرأ أيضًا/|شمس مصر|.. جورج كلوني يرفض 35 مليون دولار مقابل تصوير إعلان
كما تحدثت عن والدها وقالت "بابا هو اللي مؤسس وزارة الثقافة والإعلام في أبو ظبي وكان بيرجع بكتب؛ علشان يكتب عنهم تقارير إذا كان الكتاب هينزل ولا هيمنع"، وأضافت "كان بيقولنا اقروا أي كتاب ونتناقش فيه إذا كنت همنعه ولا لا وده ساعد في إننا نتربى على إن كل حاجة بنقراها".
كما كشفت عن كواليس تعاونها مع شقيقها أحمد مكي في فيلم "الحاسة السابعة" وقالت أنه عرض عليها الفيلم وشجعها على المشاركة فيه بشكل غير تقليدي حيث قالت: "قالي أوعدك بعد الدور ده هتقعدي في البيت وبعدها السوق قل معايا شوية وقعدت أقوله حرام عليك".
اقرأ أيضًا/|شمس مصر|.. تفاصيل اللقاء المسرحي بموسم الرياض
