في الحقيقة أنا بحب أوي نماذج العلاقات الناجحة اللي بنشوفها حوالينا يمكن تكون قُليلة لكن موجودة، سَوية وتحس إن المحبة محاوطاها بتلاقي كل طرف فيها عارف عيوب التاني وشايفها كويس وحابُه زي ماهو، تلاقي إتنين صُحاب لو قعدت مع كل واحد فيهم لوحده بيتكلم علي الثاني بثقة ومحبة.. الأخوات اللي عارفين عيوب بعض كويس لكن ميستغنوش عن بعض.
صاحب في ظهر صاحبه دايما في عز مشاكله ميتخلاش عنه..
أحياناً بقف قدام العلاقات دي وأفكر، هما أكيد بينهم مشاكل ماهو دي طبيعة البشر لكن الطبيعة الاكبر جواهم المحبة؛ محبتهم قادرة تطغي علي مشاكلهم..
"المشاكل بتعري حقيقة المشاعر"، الأكيد أن الناس الناجحة في علاقاتها دي أياً كان نوعها مشاعرهم صادقة.. أوقات كتير بحس إنه لو بس فكرنا بشوية محبة وقللنا من كلمة" أنا" والتفكير في النفس بعظمة كانت علاقاتنا هتبقي ألطف كتير.
إقرا ايضا: |شمس مصر|.. أن أكون محبوبًا
إقرا ايضا: |شمس مصر|.. أشعر بالسعادة اليوم
إقرا ايضا: |شمس مصر|.. خُلقت لتكون حورية (الفصل الأول)
