شكر الفنان رامز أمير جمهوره ومحبيه علي دعمهم له بسبب إصابته، وكتب علي حسابه الخاص بموقع تبادل الصور والفيديوهات "إنستجرام": "الواحد فى الأيام دى الكلام ده بيفرق معاه أوى، بيدينى طاقة أكمل عشان أرفع راس كل واحد آمن بيا، شكرا بس والله الكلام ده أكبر منى بكتير وربنا يدينى القوة وابقى قد حبكم وتشجيعكم، أنا بهزر وبضحك بس أكيد اليومين اللى فاتوا مكانوش سهلين عليا لا، لأن فعلا عمرى محسيت الإحساس ده قبل كده".
إقرأ أيضا:أجمل لقطات العوضي وياسمين الرومانسية
وأضاف قائلا: "أول مرة اتصاب إصابة كبيرة أوى كده تقعدنى الوقت ده كله، مش عارف هتفهموا ولا لأ بس أنا حياتى كلها فى الرياضة وشوية الحجات المجنونة اللى بعملها، مينفعش كان يعدى عليا يوم من غير مطور فى نفسى وأحس إنى أحسن من اليوم اللى قبله، الحمد لله فترة اتعلمت منها كتير وبفضل الله مديانى طاقة أكتر بكتير من اللى كانت عندى، معلش قولت افضفض معاكم شوية، اتطمنوا هانت خلاص إن شاء الله، راجعلكم".
إقرأ أيضا:تعرف علي ريا راشد بالشكل الجديد
وعلي السياق الفني، آخر أعمال الفنان رامز أمير مشاركته في مسلسل الاختيار الذي عرض في رمضان الماضي 2020، بطولة أمير كرارة وأحمد العوضى ودينا فؤاد وسارة عادل وضياء عبد الخالق، تأليف باهر دويدار وإخراج بيتر ميمي وإنتاج شركة سينرجي.
وتدور أحداثه حول حياة أحمد صابر المنسي "قائد الكتيبة 103 صاعقة" الذي استشهد فى كمين "مربع البرث"، بمدينة رفح المصرية عام 2017، أثناء التصدي لهجوم إرهابي في سيناء.
إقرأ أيضا:محمود الليثي... تقلان علينا
