|شمس مصر|.. إسلام مصطفى: حلمي اوصل فني لكل الجماهير وأقف أمثل أمام "عادل إمام"
كل يوم تلمع في سماء الفن شخصيات جديدة، لديها موهبة وتصنع نجاحها بالسعي والاجتهاد، كل يوم يظهر فنان يرسم بريشته وقوته على أداء الأدوار والتمثيل والتنقل من شخصية لشخصية في نفس الوقت طريق النجاح، في الآونة الأخيرة لمع الكثير من الفنانين الجُدد والشباب في سماء الفن، الممثل "إسلام مصطفى" ممثل في مقتبل عمرهِ يحاول أن يوصلَ موهبته للكثير ولأن "جريدة شمس مصر" دائما تركز الضوء على المواهب الصاعدة التي تستحق أن تصعد للنور قامت جريدة شمس مصر بعمل حوار صحفي مع الفنان "إسلام مصطفى". ظهر في الكثير من الإعلانات وظهر في فيلم ثانية واحدة مع الفنانة "دينا الشربيني"
وشارك أيضًا في الأعمال المسرحية، حيث شارك مع فريق تمثيل مسرح في بدايته الفنية، حيث أعادوا إحياء مسرحية "مدرسة المشاغبين"، المسرحية التى غطت أحداثها جريدة " شمس مصر " حيث أبهر الجميع بأدائه، أبهرنا من حيث تنقله من شخص لشخص أبهرنا بقوة الأداء والثقة الواضحة في تمثيله.
اقرأ أيضًا|شمس مصر|.. بكاء ماجد المصري في عقد قران ابنته
في بداية حوارنا ممكن التعرف بحضرتك؟
أنا اسمى إسلام مصطفى عبد العليم عندي 30 سنه خريج سياحة وفنادق، ملهاش علاقه بالفن ولكن أنا عندي موهبة الفن، بدأت معايا وأنا عندى عشر سنين كنت بحب أتفرج على أفلام قديمة وأقلد ممثلين زمان، فكنت بمثل
لإخواتي في البيت وبيبقوا مبسوطين جدا كتمثيل، وتعبيرات وش، تعبيرات إيد، وقفة، أداء، فكنت بشوف الابتسامة في وش اخواتي مش مجاملة ولكن حابين اللي أنا بعمله، كنت مسميه "مسرح بيتي" مكنش لسه فيه سوشيال ولا كل ده، بدأ الموضوع يزيد عندى، وأحب أنمّي موهبتي أكتر ودخلت ورش تمثيل بس مكملتش حسيت إنه طالما الموهبة عندي يبقا أنا أنمّى موهبتي أكتر وأشتغل على نفسي أكتر.
هل تلقيت الدعم من الأشخاص المجاورين على تحقيق وتنمية الموهبة التي داخلك؟
في الحقيقة مش كل الأشخاص أدوني التشجيع لأنه أوقات كان فيه أشخاص بيضايقوا منى لأن عندي موهبة التمثيل، وفي أشخاص بتدعمني فعلا وبتشجعني. يعني كان في راجل عنده حوالي ٦٠ سنة أنا معرفوش جه قالي: "انت موهوب، أنا بكيت من فيديو شوفته ليك!" ولكن الأغلب والأقارب فعلا بلاقي كل الدعم عشان أفضل في تقدم.
كيف كانت بداية الإعلانات مع حضرتك ؟
أول حاجه إعلانات كانت صدفة فعلا كنت بجيب أكل من مطعم ومخرج أعجب بالشخصية بتاعتي، لفت نظره جه قالي أنا مخرج عايزك في إعلان معايا چل، اللي كان بيحرق شعر البنت وبعدين يطلع يجري، وبعدين عملت مع كندة علوش وعمرو يوسف وبعدين وشي اتعرف وبدأ المخرجين يعرفوني، وحقيقي أكتر حاجه بحبها هي شغلي وبحب أحس الحاجة طالعة من جوايا وكل كلمة ليها تعبير معين وإحساس عشان أقدر أوصل للمشاهد وأعيّشه المشهد كله وأحسسه بالمشهد فعلا
اقرأ أيضًا |شمس مصر|.. نور محمود يعلق على دور مايان السيد في "إلا أنا
إذا أتيحت لك الفرصة مرة ثانية أن تدخل مجال سينما أو مجال مسرح من هو الفنان الذي تحب أن تدخل معه دور تمثيلي ؟
طبعا أكيد الزعيم عادل إمام يعني أي حد يخاف يقف يمثل قدامه ولكن طبعا هيبقا في ثقة إني أقف أطلع كل اللي عندي قدامه لأنها فرصة كبيره ليا إني أقف قدام نجم كبير زيه، تاني شخص هو تامر حسني لأني فعلا بعشقه وبحب موهبته في التمثيل.
لقد عرفنا من حضرتك إنك قمت بعمل فكرة الأفلام القصيرة، فكيف بدأتها؟ وكيف جاءت الفكرة لك ومن الأشخاص الذين ساعدوا في تحقيق هذه الفكرة؟
أستاذة إيمان، أنا في الوسط نفسه سواء إعلانات أو فيلم بيختاروني فيها بيبقى ليا شغل معين ومش أي حاجة بنزلها فحبيت إني أتنشر فجتلي فكرة الأفلام القصيرة، مبصتش وقتها للمشاهدات بصيت إني عايز أوصل للناس موهبتي وأنه لسه في فن فعلا وأول فيلم كنت عايز أوصل فكرة معينة للأستاة "منى الشاذلي" وعملت أنواع كتير من دراما وكوميديا واللي بيساعدني في التصوير دايما صديق ليا اسمه "محمد عادل" ده اللي بنقعد نفكر سوا في الفكرة وهنعملها ازاي وهكذا.
ما الذي تراه أن "إسلام مصطفى " مازال يحتاجه لكي يصل إلى النجومية؟
والله يا أستاذة إيمان محتاج منى شخصياً صبر، مبدورش على فلوس وشهرة بس بدور إني أوصل للناس وانهم يفهموا طبيعة شغلي وفني بمعنى الكلمة محتاج الناس تتفاعل معايا وتدعمني ومحتاج منى أشتغل على نفسي أكتر وأكتر.
في وجهة نظرك ماذا يحتاج الفن المسرحي أو الفن بوجه عام يحتاجه لكى يكون أكثر تطورًا؟
محتاج إنه الإخراج والممثلين الكبار ياخدوا بالهم فعلا من المواهب المدفونة عشان الفن يتطور التمثيل يتطور وتدخله ناس عندها موهبة فعلا مش مجرد تمثيل عابر وخلاص، الفن محتاج إخراج قوي وممثلين فعلا تقدر تختار المواهب الصح
حضرتك ظهرت ضيف في فيلم ثانية واحدة مع الفنانة دينا الشربيني، ما الذي أضافه ظهورك مع الفنانة الكبيرة دينا الشربيني؟
ضافلى شغل وضافلي ثقة إن أنا شغال مع فنانين كبار ضافلي جمهور لقيت ناس كتير منزلة المشهد بتاعي فأكيد ضافلي حاجات كتير فعلا
في نهاية حوارنا اتشرفت بالحوار مع حضرتك ولنا حوار آخر أكيد مع عمل جديد لك عن قريب حضرتك موهبة تستحق أن تظهر للجميع و تشرفت جريدة شمس مصر بالحوار الصحفي معك ومع وضع الضوء على موهبتك وتشرفتُ شخضيًا بعمل الحوار مع فنان جميل ذو خلق مثلك.
