كشف مطرب المهرجانات حمو بيكا منشور على موقع التواصل الإجتماعي "فيس بوك" بأن بعض الصحف والجرائد تضع تخاريف وإشاعات كاذبة من أجل إثارة الجدل بينه وبين المطرب العظيم ورئيس المهن الموسيقية الفنان "هاني شاكر".
إقرأ أيضًا/|شمس مصر|.. أول ظهور لإيمي سمير غانم بعد وفاة والديها
وقال "بيكا": "صباح الخير على أخواتي وجمهوري في مصر والوطن العربي.. حابب بس أوضح كام نقطة كدة الصحافة عمالة تتكلم فيهم بدون أي دليل وكلام مخرجش من لساني وتخريف لبعض الكلام لإشعال الرأي العام والسوشيال ميديا
أول نقطة جريدة من ضمن الجرائد روجت إشاعة إني عملت لايف واتحديت فيه أستاذ (هاني شاكر) ونقابة المهن الموسيقيه وإني هخالف قوانين النقابة وهغني غصب عن القرار.
أولاً أنا قولت دي موجة وبإذن الله هتعدي وهنرجع نغني في مصر تاني مقولتش أنا بتحدى القرار والأستاذ هاني شاكر.. لأني خامس مرة أتوقف وعمري ما خالفت قوانين النقابة نهائي ومن كلامهم جميعاً وعلى رأسهم النقيب هاني شاكر.. فياريت الجرائد اللي بتحور الأخبار على دماغها تكتب اللي بيخرج عن لساني أنا وميكتبوش اللي على دماغهم هما.. لأن دي أمانة مفروض حضرتك كصحفي أو صحفية تأدوها على أكمل وجه.. ومن هنا بقولكم أنا عمري ما هتحدى قرار نقابة أو هخالف أي قانون للنقابة وأنا محترم كل قرار للنقابة
إقرأ أيضًا/|شمس مصر|.. فريق عمل أبو العروسة على قناة الحياة
تاني نقطة هي أن نفس الجرائد كاتبة إني قولت إن أغلب الموظفين عندي في الشركة مهندسين ومحاسبين وكل يوم الصبح بجيبلهم طعمية والكلام الفارغ ده.. مفيش طبعاً الكلام ده انا مؤدي مهرجانات ايه دخل المهندسين والمحاسبين بشغلي؟ والكلام ده برضه مخرجش من لساني نهائي واللي كاتب كده شخص عديم الضمير ولازم فعلياً يتحاسب على اللي عامله.. أنا فريقي مكون من موزعين وشعراء وفريق السوشيال ميديا وجرافيك ومونتير وعمال نظافة وبوفيه فقط.. أما بالنسبة للمطاعم فعندي عمال كتير الحمد لله.. وحالياً بجهز لمطعمي الجديد وبالفعل في مهندس ديكور لعمل تشطيبات المطعم ومش شغال عندي أو معايا ده راجل بيأدي شغله فقط.. وطبعاً كل المهندسين والمحاسبين على دماغي من فوق وليهم كل الاحترام والتقدير
اختم كلامي.. ياريت كل صحفي وكل جريدة يبطلوا بجد يقولوا كلام يولع الدنيا.. لأن بجد دي أمانة وأمانة هتتحاسب عليها قدام ربنا.. قولي بالله عليك لما تيجي تقف قدام ربنا هتقوله ايه؟ هتقوله أنا كذبت عشان اركب التريند؟"
إقرأ أيضًا/|شمس مصر|.. نقيب الموسيقيين يدعم الفنانة "شيرين"
والجدير بالذكر أن حمو بيكا قد أحيي حفل في الإمارات بصحبته حسن شاكوش وعمر كمال وعلي قدورة وحقق الحفل نجاحًا كبيرًا وإسعاد جماهير الدوحة.
