حوار جريدة شمس مصر مع الفنانة رانيا فريد شوقي بعد النجاح الباهر الذي حققته في حكاية أم العيال.
- الناس كلها على السوشيال ميديا اتكلمت عن مشهدك بعد معرفتك بوفاة إبنك.. كلمينا عن كواليس المشهد وإزاي حضرتي له؟
مشهد موت سلام مشهد قاسي، لأن طبعًا مفيش أغلى من الضنا أبدًا أبدًا، مشهد أكيد أخد مني مشاعر وأخد مجهود كبير، ومجهود نفسي، وكان مشهد صادق الحمد لله طلع للناس، وشخصية صباح حبيتها، وكنت متعاطفة معاها وفي نفس الوقت متضايقة منها ومتغاظة منها، كان عندي مشاعر كتير.
-نصيحة توجهيها للشباب اللي بيفكروا يهاجروا بالطريقة الغير شرعية؟
من حق الشباب أنه يحلم ويسافر بس حاول أنك تجتهد وأنك تخلي الهجرة بتاعتك هجرة شرعية، أشتغل وجمع فلوس عشان توصل لحلمك من خلال شغلك، أنا مش ضد الهجرة لكن أنا ضد الهجرة الغير شرعية، لأن أرواح بتروح بسبب الهجرة الغير شرعية، والأهالي هى اللي بتتوجع وبتتأذي نفسيًا، لكن أتمنى أن كل واحد يحقق حلمه بالطريقة اللي هو يحبها
-بعيدًا عن حكاية "زي القمر".. أمتى هتبدأي تصوير مسلسل "أبو العروسة"؟
أنا بدأت فعلاً تصوير أبو العروسة، كان أول يوم اشتغلت يوم السبت اللي فات.
إقرأ أيضًا/|شمس مصر|.. صور تجمع بين دينا الشربيني وأصدقائها في الأهرامات
-إيه الجديد غير مسلسل أبو العروسة هل في حاجه جديدة تكون حصرية لجريدة شمس مصر؟
حاليًا بصور مسلسل "حلم" إخراج أستاذ حسني صالح، وتأليف محمد رجاء، مع مجموعة من الأبطال الكبار.
-بابا الفنان فريد شوقي بيمثلك إيه ف حياتك الشخصية وحياتك المهنية وهل اتعلمتي منه ومن شغله اللي لسه عايش ف قلوبنا لحد دلوقتي؟
أبويا بالنسبالي هو مثلي الأعلى أعظم أب، هو أب عظيم في كل حاجة الحنية والعطاء والخير، وكل حاجة، هو مثلي الأعلى.
إقرأ أيضًا/|شمس مصر|.. أحدث أغاني عمرو دياب
- هل وفاة باباكي أثرت ف حياتك المهنية ولا حبيتي تعملي امتداد له من خلال شغلك في الفن؟
أكيد وفاة بابا أثرت في حياتي، المهنية لا لأن فيلم "أه من شربات" كان أول حاجه وبعد كدا أنا اشتغلت لوحدي وحتى بابا كان دي وجهة نظره، لكن أثرت نفسيًا فيا كإبنة.
إقرأ أيضًا/|شمس مصر|.. رحيل والد الفنانة يسرا اللوزي
