خلينا متفقين إن الإنسان لما بيتوجع ويتكسر بيبقي عنده كتلة من الضعف والوجع والكسرة بتبني ضعف جوانا وبتأثر علي حياتنا وعلى قراراتنا وكل حاجة..
ولما بيتكسر بيبقى في ضلمة ومحتاج حد يشده للنور ويكمل ويقوم على رجليه تاني زي الأول وأحسن بس أوقات مش بيلاقي حد عشان يشده ف عشان كده بيفضل في الضلمة وحياته تقف.
اقرأ أيضاً /أهمية المرأة وتعدد أدوارها
ليه منفكرش إن الوجع والكسرة ممكن تبني جوانا قوة بدل ضعف؟!
ليه منخرجش احنا من الضلمة اللي فيها بدل ما نستنى حد عشان يساعدنا ويخرجنا!!
ليه منقومش على رجلنا تاني بعد الوجع والكسرة ونبقى أحسن من الأول وأقوى!؟
اقرأ أيضاً /أغرب العادات والتقاليد حول العالم.
خلي الوجع والكسرة اللي فيك يكون شرخ بسيط فيك ويتلم مع الوقت بدل ما يبقى ضعف وحياتك تقف.
خلي الوجع والكسرة يتحول لقوة وطاقة عشان نكمل حياتنا ونبقى أحسن من الأول.
تقدر تقلب الضعف لقوة حتي لو اتوجعت ١٠٠ مرة واتكسرت تِقوَى أكتر من الأول يمكن الوجع بيحصل في حياتنا عشان نتعلم ونِقوى أكتر ونعرف نكمل حياتنا إزاي.
اقرأ أيضاً /التوتر والقلق وأثرها على الدراسة
بس دايما بنستسلم للوجع والكسرة ويهزمونا بأنه يتبِني جوانا ضعف..
آه بييجي علينا مرة والوجع والكسرة يضعفنا أوي ومتبقاش عارف استسلم ولا أعافر وأحاول أعدي من اللي حصل!
بس باختصار لازم تعافر وتحاول طول ما انت عايش عشان ماينفعش تستسلم عشان لو استسلمت اعتبر إن حياتك وقفت خلاص.
