|شمس مصر|.. ميار الببلاوي…لم اعتزل التمثيل ولكن سأقدم أدواري بما يرضي الله
تقدمت الإعلامية ميار الببلاوي بشكوى علنية إلى نقيب المهن التمثيلية الدكتور أشرف زكي للتصدي لمن يروج داخل الوسط الفني شائعة اعتزالها التمثيل وقالت عبر بث مباشر بالفيديو أنها كانت مرشحة للمشاركة ببطولة عمل درامي شهير وعلمت أن أحدهم ادعى اعتزالها الفن ما تسبب في استبعادها ووصفت ما حدث بأنه "قطع أرزاق" واشارت إلى أن حجابها لن يمنعها من تجسيد أي شخصية درامية "بما يرضي الله".
اقرأ أيضًا/|شمس مصر|.. محمد عدوية يصرح عن سعادته بأغنية ههد المعبد
وقالت ميار الببلاوي عبر حسابها الشخصي بموقع الفيس بوك: "النهارده عرفت إني كنت مترشحة لمسلسل من المسلسلات اللي نفسي اشتغل فيها، لأنه مسلسل حلو، وبيتكلم عن حاجة كويسة، نفسي تبقى رسالة مني للناس، مش عايزة أجيب اسم المسلسل، لكن كفاية تعرفوا إني من الناس الأبطال اللي مترشحة للمسلسل".
اقرأ أيضًا/|شمس مصر|.. ميراث سمير صبري يثير الجدل
وأضافت: "والناس كانوا مرحبين، وقالوا كلموا ميار الببلاوي، عشان تقولوها على الترشيح، طلع واحد، معرفش ايه موقعه من الإعراب؟، قالهم ميار الببلاوي، إنتوا متعرفوش ولا إيه؟، قالوا له مالها، الدور لايق عليها، ولايق على إنها لابسة الحجاب، قالهم لأ، دي اعتزلت، ومبتمثلش، وبعدين دي بتعمل برنامج ديني، وهتقعد تقولكم قال الله وقال الرسول، أنا مش فاهمة أنا هقرفهم ليه؟، ومالي إنا قولت قال الله وقال الرسول في الموضوع" واستكملت: "وبعدين دي أرزاق، إنت هتستفيد إيه، لما تقطع رزقي في حاجة؟، يعني أنا أعرف كويس اشتغل شغلي، من غير ما أجي جنب حجابي وجنب ديني، ولا أزهق الناس، يعني خلاص ادعوا إلى سبيل ربك بالحكمة والموعظة الحسنة، وبعدين تقعد تقول دي بتعمل برنامج ديني، معقولة هتمثل وهي بتعمل برنامج ديني، إنت ميخصكش بقى، أنا يتعرض عليا الدور، أقبله مقبلوش، لكن إنت داير في كل حتة تقول، ميار الببلاوي اعتزلت، وبعدين ألاقي بيكتبوا الفنانة المعتزلة، يا جماعة معتزلتش، حرام عليكوا توقفوا حال الناس ورزق الناس".
اقرأ أيضًا/|شمس مصر|.. إيمي طلعت ذكريا توجه رسالة لوالدها في ذكرى رحيله الثالثة
