حوار خاص جدا مع المخرج أحمد تركي داخل كواليس مسرحية (للصغار فقط)
مساء الخير علي كل متابعينا متابعين جريدة شمس مصر في كل مكان
انهارده معانا معاكم استاذ احمد تركي صاحب فرقه تركي للفنون في اسكندرية
مساء الخير يا استاذ احمد يارب تكون بخير قبل اي حاجه انا وكل فريق شمس مصر بنقول لحضرتك مبروك علي عرض المسرحيه الجديدة اللي بعنوان للصغار فقط
الله يبارك فيكي انتي وكل فريق العمل المحترم اللي بتشرف بيه
حابين نعرف بدايه استاذ احمد تركي كانت ازاي واي اول مسرحيه عملتها
بدايتي كتمثيل كانت ايام المدرسه والبداية الفعلية كانت ف الجامعة منتخب جامعة اسكندرية للفنون المسرحية مع دكتور جمال ياقوت
كان احساسك اي بعد نجاح المسرحيه اللي كانت يوم ٣١/ ٧ علي مسرح عبد المنعم جابر ( اسكندرية)
والعرض خد وقت قد اي عشان يطلع بالشكل الجميل ده
الاجابة
بدانا ورشة اعداد ممثل الاطفال بداية من يوم 15 / 5 انتهت الورشة ف 15/6 يعني شهر كامل الأطفال اتعلموا فيها كل اساسيات التمثيل بعدها اشتغلت لمدة شهر ونص بمعدل مرتين ف الاسبوع يعني 8 بروفات واخر اسبوعين كنت بكثف بروفات والحمد لله فرحت ان اطفال اول مرة يقفوا على خشبة المسرح يطلعوا بالمستوي دا واني اخدت اشادة كبيرة من صحفيين واعلاميين ومخرجيين ف النقطة دي كان شرف كبير ليا
اكيد كان في عقبات وحاجات وقفت معاك في البدايه ممكن. تحكيلنا عملت اي وقتها
لحد يوم العرض كان بيقابلني عقبات بس دايما ببقا مجهز خطط بديلة
لكل حاجه
طيب ممكن تقول اي للشباب اللي حابين مجال المسرح يبدأوا ازاي واي النصيحه اللي تقدمها ليهم
يختاروا حد يعلمهم صح ويختاروا اماكن بعيد عن السبوبة أو الناس اللي بتبيع الوهم او بيتاجروا باحلام الشباب
طب ممكن تقولنا تصريح لجريده شمس مصر بتحضر اي الفتره الجايه
حالا بحضر لفكرة مسلسل هتتعمل في رمضان اللي جاي هتبقي علي السوشيال ميديا وبحضر مسرحية للكبار ومسرحية للأطفال و ورشة جديده زي اللي كنت عاملها ان شاء الله
حابب تشكر شخص معين كان بيشجعك من خلال جريده شمس مصر
في اخر الحوار حابه اشكر حضرتك جدا وبجد شرف ليا انا شخصيا اني اعمل حوار صحفي مع حضرتك يا استاذ احمد وكل فريق شمس مصر بيشكرك
الاجابة
الشرف ليا حقيقي
