حبيبي وقلبي وعينيه
فينك وفين لياليك
وحَشِتني عيونك يا ضي عينيه
ولمسه إيدي ف حضن إيديك
وحَشِتني سنين العمر الجايه
وإني هعيشها ف ضِل عينيك
وليالي حنين
أنا ياما كنت بشوفها
ومحاوطه الأشواق لياليا
بتحضن فيا وتحضن فيك
.........
مهما تطَوِل يا حبيبي ف بعدك
أنا بستناك
ومهما تحاول تنسا هوايه
أنا عارفه إنك وأياَياَه
وأنا لِسهَ كمان وأياَك
شايلهَ الأشواق ف عينيا
وف حضني كمان هتلاقي هواك
وقلبي شايلَك لساه حِنيهَ
وبحر الهوي لهواك مشتاق
وعلي شطهُ أنا مستنيه
وبقالنا سنين وبنستناك
ترجع ليا
تحضُن فيا
وعلي ضي هواك
أكتب أحلا كلام ف عينيك
حبيبي وقلبي وعينيا
فينك وفين لياليك
.........
هي لسه روحك بتناديني
زي روحي ما بتناديك
وألا قلبك بيبات ناسيني
والغربه علياَ بتأسيك
شوف كام سنه
والغربه وأخداك وأنت بعيد
وقلبي مش ناسيك
وألا ناسي ضحكه عيونك
وضمه حنين بإيديك
ولهفه قلبي لما بشوفك
والحب مالي عينيك
وصوتك
وهو بيناديني
بيحييني من جديد
والقا روحي بتتولد
والدنيا وأياَياَه
فرحانه بيك
بتغني عشانك
غنوه كتبتهالك
بروحي وقلبي وإيديه
وعيون سهرانه ومشتاقه ليك
حبيبي وقلبي عينيا
فينك وفين لياليك
.........
حبيبي وقلبي وعينيا
جاوب يلا عليا
إمتي هشوفك
وأحضن هوايه معاك
وألاقي روحي
وأياْ روحك
بضمه حنين وأياك
بتمسح دموع الغربه ف عينيا
وتبدل لياليا
وأعيش العمر من تاني معاك
أسهر وعنيك ف عينيا
وأنام وأحلم
وأنا بين إيديك
حبيبي وقلبي وعينيا
فينك وفين لياليك .......
------------
إقرأ أيضاياما في القرب اتخدعنا
------------
------------
إقرأ أيضا|شمس مصر|.. خواطر قلبي المبعثرة
------------
------------
أقرأ أيضا|شمس مصر|في حب الحرية
------------
