نشرت مها أحمد صورة تجمعها بالفنان أحمد السقا عبر موقع تبادل الصور والفيديوهات "إنستجرام"، وعلقت على الصورة قائلة:"يا أحمد يا سقا فين هدية عيد الأم خلى بالك داخل علينا رمضان هتبقى هدية عيد الأم، ويا ميش رمضان انت حر كل سنة وانت طيب يا قلب أختك ورمضان كريم".
اقرأ أيضًا/ |شمس مصر|.. حماده هلال برفقة كمال ابو رية واحمد عبد العزيز
وكان قد اشتد الخلاف بينها وبين أحمد السقا في شهر رمضان الماضي 2021، حيث كانت قد كتبت عبر حسابها الشخصي على موقع التواصل الاجتماعي" فيسبوك" عن انتقادها للسقا وأمير كرارة، من خلال حديثها التالي :"عوضي على الله دي الجملة اللي دايما بقولها لما اتصدم فأشخاص، الحكاية يا سادة نجمين عملوا مسلسل واتنجمت عليهم بنوتة لسه ألف باء تمثيل، واديتهم على قفاهم وركبت عليهم، إلى أن أصبحت بطلة المسلسل وبطلة الدعاية للمسلسل، وهما راضيين رغم إن طول عمرهم مبيعملوش كده مع أي زميلة لهم أقربها أنا".
اقرأ أيضًا/ |شمس مصر|.. موسم دراما رمضان2022
وكانت قد تابعت حديثها عن"السقا" قائلة:"النجم الأولاني بيني وبينه عيش وملح وزمالة، رشحت فمسلسل بطولته وكان بيقنعني بدور، ولما وافقت بعتولي دور تاني معرفوش دور متعملوش واحده مبتدأة، المفروض إنه عارف قيمتي الفنية وعارف إني إضافة له، اتهرب مني وموقفش جنبي وباعني، رغم إن الكل عارف إني زي اخته (ندل)"،
وأضافت عن" كرارة":" أما التاني كان فبداياته يتمنى يسلم عليا ويقولي يا استاذة، نزلت من نفسي وقلتله مش هنشتغل مع بعض ما هي الحوجة مرة، رد وقالي الدور بينادي صاحبه، طبعا محكلكوش قد ايه ندمت نفسي وعشت أسود أيام حياتي عياط واكتئاب، وقلت عوضي عليك يارب".
اقرأ أيضًا/ |شمس مصر|.. شركة عالمية رفضت التعاقد مع حماده هلال
واختتمت حديثها:"تمر الأيام والاتنين يعلو ويتجمعوا مع بعض فمسلسل واحد (على عينهم طبعا) ويمثلوا وحش قوي، تمثيل الكفار وطلعوا كمان مبيقروش اللي بيمثلوه، وربنا يركب عليهم بنوتة سنة أولى تمثيل وخبره ويتحول المسلسل والدعايه الدراما كامله لصالحها وهما (مخدماتية للاستاذة)، يمهل ولا يهمل ابدوا من جديد يا أوفر تمثيل ياللي مبتقروش يا كمبارس جنب النجمة، نصيحه بلاش تتشطروا على اللي كان بينكم وبينهم عيش وملح بلاش تتشطروا على اساتذتكوا، ( عوضنا على الله ) .يارب متحوجنا لحد حتى ولو كان أقرب الناس لينا
