انهاردة حصل معايا موقف وضحلي أنه مهما أبان قوية فأنا ضعيفة جدا
ودى ميزة فينا كبنات بنحاول نبقى ناس قوية ومافيش حاجة فارقة معانا بس من أقل حاجة بنلاقي دموعنا نزلت وقلوبنا اتكسرت وخدنا علي خاطرنا بسبب المواقف اللى حصلت آه بنداري كل دا بس هى حقيقة فينا ومنقدرش نخبيها وأوحش حاجة فعلا أننا نكتم جوانا مش عيب أننا نبين ضعفنا آه مش لكل الناس ومش لأي حد بس مش عيب أهو علي الأقل نخفف شوية من الحمل الـ جوانا.
الموقف دا بينلي كمان أنه ولا قريب ولا حبيب ولا غريب يهمه أمرك لالا أنت مجرد وسيلة في حياتهم أينا كانت أي بس إنت رف وقت مايحتجوك هيجولك ووقت لا فهما ركنينك وبيعمـلوا كدا عشان عارفين أننا هنلبي كل حاجه هما عاوزينه لأننا بطبعنا مش بنحب نخذل حد
مش عارفه بقول كدا ليه بس اهو حبيبت اتكلم ولا فاهمه اصلا الكلام مفهوم ولااي
بس المغزي أنه مش عيب نبين ضعفنا خالص بس لازم نختار الناس الصح اللي مش هيشوفنا ضعاف بالعكس هنبقى أقوياء بيهم وبوجودهم معانا
إقرأ أيضاً سل الفؤاد
إقرأ أيضاًالإحساس بالفراغ
إقرأ أيضاًربح التعالي
